ଭଦ୍ରକ: ସାଳନ୍ଦୀ ନଦୀ କୂଳରେ ଭଦ୍ରକ ସହର। ସାଳନ୍ଦୀ ନଦୀରେ ବନ୍ୟାଜଳ ଆସିଲେ ଭଦ୍ରକ ସହର ଜଳାର୍ଣ୍ଣବ ହୋଇଯାଏ । ଏହି ସମସ୍ଯା ପାଇଁ ଭଦ୍ରକବାସୀ ବେଶ ଚିନ୍ତିତ ହୋଇଥାନ୍ତି । ବନ୍ୟା ସ୍ଥିତି ଉପୁଜିବାର ପ୍ରମୁଖ କାରଣ ହେଉଛି ନଦୀରେ ଥିବା ଦଳ । ଏହି ଦଳ ଯୋଗୁଁ ନଦୀ ପୋତି ହୋଇଯାଉଛି । ଫଳରେ ବନ୍ୟାଜଳ ସହରରେ ପଶୁଛି । ଆଗକୁ ବର୍ଷା ଋତୁ ଥିବାରୁ ବନ୍ୟା ଆଶଙ୍କା ସୃଷ୍ଟି ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ସାଳନ୍ଦୀ ସଂସ୍କାର ଯୋଜନାରେ କୋଟି କୋଟି ଟଙ୍କା ଖର୍ଚ୍ଚ ହୋଇଛି । ହେଲେ ଫଳାଫଳ ଶୂନ । ଯାହାକୁ ନେଇ ଚିନ୍ତାବ୍ୟକ୍ତ କରିଛନ୍ତି ସହରବାସୀ । ସହରକୁ ବନ୍ୟାରୁ ରକ୍ଷା ପାଇବା ପାଇଁ ଆରମ୍ଭ ହୋଇଥିଲା ସାଳନ୍ଦୀ ସଂସ୍କାର ଯୋଜନା । ଏହି ଯୋଜନାରେ ଖର୍ଚ୍ଚ ହୋଇଥିଲା କୋଟି କୋଟି ଟଙ୍କା । ଆଶା ଥିଲା ଏହି ଯୋଜନା ବେଶ ଫଳପ୍ରଦ ହେବ । ହେଲେ ଫଳାଫଳ ହେଲା ଓଲଟା । ଯୋଜନା କାର୍ଯ୍ୟକାରୀ ପରେ ବି ନଦୀରେ କୁଢ କୁଢ ଦଳ । ଦଳ ଯୋଗୁଁ ପୋତି ହୋଇଯାଉଛି ନଦୀ ଶଯ୍ୟା। ଫଳସ୍ବରୁପ ସହରରେ ପଶୁଛି ବନ୍ୟାଜଳ ।