ଭଦ୍ରକ: ଏକ କାରରେ ମହୁଲି ମଦ ଚୋରା ଚାଲାଣ ହେଉଥିଲା ବେଳେ ଗାଡି ଅଟକାଇଥିଲା ଅବକାରୀ ବିଭାଗ । ଗାଡିରେ ଥିବା ଚୋରା ଚାଲାଣକାରୀ ଖସି ପଳାଇବାକୁ ଟେଷ୍ଟା କରୁଥିଲା ବେଳେ ଅବକାରୀ ବିଭାଗ ଗୋଡ଼ାଇ ଗୋଡ଼ାଇ ଦୁଇ ଜଣଙ୍କୁ ଧରିଥିବା ବେଳେ ଜଣେ ଫେରାର ହେବାରେ ସକ୍ଷମ ହୋଇଛି ।
ଭଦ୍ରକ ଅବକାରୀ ବିଭାଗର ଚଢାଉ, ବିପୁଳ ମହୁଲି ମଦ ସହ କାର ଜବତ
ସୂଚନାଯୋଗ୍ୟ ଯେ, ଭଦ୍ରକ ଅବକାରୀ ନିରୀକ୍ଷକ ଧନେଶ୍ୱର ବରାଡ଼ ଓ କ୍ଷିତିଶ ଦାସ ଏବଂ ଭ୍ରାମ୍ୟମାଣ ଭାରପ୍ରାପ୍ତ ଅଧିକାରୀ ବ୍ରଜମୋହନ ମଲ୍ଲିକଙ୍କ ନେତୃତ୍ୱରେ ଗଠିତ ଏକ ସ୍ୱତନ୍ତ୍ର ଟିମ ଭଦ୍ରକ ଗ୍ରାମାଞ୍ଚଳ ଥାନା ରମ୍ଭିଳା କେନାଲ ଛକ ନିକଟରେ ପେଟ୍ରୋଲିଙ୍ଗ କରୁଥିଲେ । ସେହି ସମୟରେ ଗୋଟିଏ ସ୍ୱିଫ୍ଟ କାରରେ 409 ଲିଟର ଦେଶୀ ରନ୍ଧା ମଦ ଚାଲାଣ ହେଉଥିବା ଖବର ପାଇଥିଲେ । ଗାଡିରେ ଥିବା ତିନି ଅଭିଯୁକ୍ତଙ୍କ ମଧ୍ୟରୁ ଦୁଇ ଜଣ ଗିରଫ ହୋଇଥିବା ବେଳେ ଜଣେ ଫେରାର ହୋଇଯାଇଛି ।