ଭଦ୍ରକ: କୋରୋନା ଆକ୍ରାନ୍ତଙ୍କ ସଂସ୍ପର୍ଶରେ ଜଣେ ବ୍ୟାଙ୍କ କର୍ମଚାରୀ ଆସିବାରୁ ବିଶୋଧନ ପାଇଁ ସମ୍ପୂର୍ଣ୍ଣ ସଟ୍ଡାଉନ ହୋଇଛି ସମ୍ପୃକ୍ତ ବ୍ୟାଙ୍କ । ଏ ହେଉଛି ଭଦ୍ରକ ଗ୍ରାମାଞ୍ଚଳ ଥାନା ଅନ୍ତର୍ଗତ ରାଣୀତାଲ ୟୁକୋ ବ୍ୟାଙ୍କର ଦୃଶ୍ୟ । ସୁରକ୍ଷା ଦୃଷ୍ଟିରୁ ବିଶୋଧନ ପାଇଁ ଶନିବାର ମଧ୍ୟାହ୍ନରୁ ବ୍ୟାଙ୍କ ବନ୍ଦ ରଖାଯାଇଛି ।
କୋରୋନା ଆକ୍ରାନ୍ତଙ୍କ ସଂସ୍ପର୍ଶରେ ବ୍ୟାଙ୍କ କର୍ମଚାରୀ, ସଟ୍ଡାଉନ ହେଲା ବ୍ୟାଙ୍କ ସୂଚନା ଅନୁଯାୟୀ ଜଣେ କୋରୋନା ଆକ୍ରାନ୍ତଙ୍କ କଣ୍ଟାକ୍ଟ ଟ୍ରେସିଂରୁ ଜଣା ପଡିଥିଲା କି ତାଙ୍କ ସଂସ୍ପର୍ଶରେ ବ୍ୟାଙ୍କର ଜଣେ କର୍ମଚାରୀ ଆସିଛନ୍ତି । ଏହା ଜଣା ପଡିବା ପରେ ବ୍ୟାଙ୍କକୁ ଆସିଥିବା ଗ୍ରାହକଙ୍କୁ ଫେରାଇ ଦିଆଯିବା ସହ ବିଶୋଧନ ପାଇଁ ବ୍ୟାଙ୍କକୁ ସମ୍ପୂର୍ଣ୍ଣ ବନ୍ଦ କରିଦିଆଯିବା ନେଇ ବ୍ୟାଙ୍କ କର୍ତ୍ତୃପକ୍ଷ ସୂଚନା ଦେଇଛନ୍ତି । ତେବେ ପରବର୍ତ୍ତୀ ନିର୍ଦ୍ଦେଶ ନଆସିବା ଯାଏଁ ବ୍ୟାଙ୍କ ବନ୍ଦ ରହିବା ନେଇ ମଧ୍ୟ ସ୍ପଷ୍ଟ ହୋଇଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
