ଭଦ୍ରକ: ଜିଲ୍ଲା ସ୍ଥିତ ବାସୁଦେବପୁର ବ୍ଲକ କୁମାରପୁର ପଞ୍ଚାୟତ ପଢୁଆଁ ନୂଆ ପୋଖରୀ ଆଡିରେ ତହସିଲଦାରଙ୍କୁ ଅତର୍କିତ ଆକ୍ରମଣ କରାଯାଇଥିବା ଅଭିଯୋଗ ହୋଇଛି । ଏଥିରୁ ତହସିଲଦାର ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି ।
ଚେକିଂ ପାଇଁ ଯାଇଥିଲେ ତହସିଲଦାର, ଆକ୍ରମଣ କଲେ ଦୁର୍ବୃତ୍ତ
ସୂଚନା ଅନୁଯାୟୀ କୁମାରପୁର ପଞ୍ଚାୟତ ବଜାରରେ କୋଭିଡ କଟକଣାକୁ ଉଲ୍ଲଙ୍ଘନ କରି ଦୋକାନ ଖୋଲାଯାଇଥିଲା । ଏନେଇ ଖବର ପାଇ ବାସୁଦେବପୁର ତହସିଲଦାର ସୌମ୍ୟଶ୍ରୀ ପାଣିଗ୍ରାହୀ ପୋଲିସ ସହିତ ବଜାରକୁ ଏନଫୋର୍ସମେଣ୍ଟ ପାଇଁ ଯାଇଥିଲେ । କୋଭିଡ କଟକଣାକୁ ଉଲ୍ଲଙ୍ଘନ କରି ଲୁଗା ଦୋକାନ ଖୋଲା ଯାଇଥିବା ଦେଖି ସେହି ଦୋକାନକୁ ସିଲ୍ କରିଥିଲେ ତହସିଲଦାର । ଏହି ସମୟରେ କିଛି ଦୁର୍ବୃତ୍ତ ତହସିଲଦାରଙ୍କ ଗାଡି ଉପରକୁ ଟେକା ପଥର ମାଡ କରିଥିଲେ । ଆକ୍ରମଣରେ ତହସିଲଦାରଙ୍କ ଗାଡି ପଛ କାଚ ସମେତ ବିଭିନ୍ନ ସ୍ଥାନ ଭାଙ୍ଗି ଯାଇଥିବା ଦେଖିବାକୁ ମିଳିଛି ।