ଆମାନିଆଙ୍କୁ ନାହିଁ ନିସ୍ତାର: ହାତରେ ବାଡି ଧରି ସଚେତନ କରୁଛନ୍ତି ଅଙ୍ଗନବାଡି-ଆଶା କର୍ମୀ

ସୁଧୁରୁ ନାହାନ୍ତି ଅମାନିଆ । ଏଭଳି କୋରୋନା କଟକଣାରେ ଅମାନିଆଙ୍କୁ ସାବାଡ କରିବାକୁ ହାତରେ ବାଡି ଧରିଲେ ଆଶା ଓ ଅଙ୍ଗନବାଡି କର୍ମୀ ।

ଭଦ୍ରକ: ରାଜ୍ୟରେ ବଢ଼ି ବଢ଼ି ଚାଲିଛି କୋରୋନା ସଂକ୍ରମଣ । ହେଲେ ବି ସୁଧୁରୁ ନାହାନ୍ତି ଅମାନିଆ । ଏପଟେ କଟକଣା ସମୟରେ ଅମାନିଆଙ୍କୁ ସାବାଡ କରିବାକୁ ହାତରେ ବାଡି ଧରିଲେ ଅଙ୍ଗନବାଡି ଓ ଆଶା କର୍ମୀ ।

ଭଦ୍ରକ ଜିଲ୍ଲା ତିହିଡି ବ୍ଲକ ଗୁଆମାଳ ପଞ୍ଚାୟତ ସରପଞ୍ଚଙ୍କ ନେତୃତ୍ବରେ ଗ୍ରାମ୍ୟ ରାସ୍ତାକୁ ଅବରୋଧ କରିବା ସହ କୋରୋନା ନେଇ ସଚେତନ କରୁଛନ୍ତି ସ୍ଥାନୀୟ ଆଶା ଓ ଅଙ୍ଗନବାଡି କର୍ମୀ । ହାତରେ ବାଡି ଧରି ପଥଚାରୀମାନଙ୍କୁ ମାସ୍କ ଲଗାଇ ବାହାରକୁ ଅସିବାକୁ ତାଗିଦ କରୁଥୁବା ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ