ଲଘୁଚାପ ଜନିତ ବର୍ଷାରେ ଭାଙ୍ଗିଲା ନଦୀବନ୍ଧ, ଜଳବନ୍ଦୀରେ ଆରଡି ପଞ୍ଚାୟତ

ଭଦ୍ରକ ଜିଲ୍ଲା ଆରଡି ପଞ୍ଚାୟତ ଅନ୍ତର୍ଗତ ଅଞ୍ଚଳରେ ବୈତରଣୀ ଓ ସାଳନ୍ଦୀ ନଦୀ ପାଣି ଶୀତଳପୁର ଠାରେ କୂଳଲଙ୍ଘି ଗାଁ ଦାଣ୍ଡ ଓ ବିଦ୍ୟାଳୟ ପରିସରରେ ଲହଡି ଭାଙ୍ଗୁଛି । ନଦୀ ଜଳ ଗାଁ ମଧ୍ୟରେ ପ୍ରବେଶ କରିଥିବାରୁ କୁମ୍ଭୀର ଭୟ ସହ ଚାଷବାସ ନଷ୍ଟ ହେବ ବୋଲି ଚାଷୀମାନେ ଆଶଙ୍କା ପ୍ରକାଶ କରିଛନ୍ତି । ଅଧିକ ପଢନ୍ତୁ...

ଭଦ୍ରକ: ଜିଲ୍ଲାରେ ଲଘୁଚାପ ଜନିତ ବର୍ଷାରେ ବୈତରଣୀ ଓ ସାଳନ୍ଦୀ ନଦୀର ଜଳସ୍ତର ବୃଦ୍ଧି ପାଇଛି । ଯଦ୍ବାରା ଜିଲ୍ଲାରେ ଥିବା ଅସ୍ଥାୟୀ ନଦୀବନ୍ଧ ଭାଙ୍ଗିଯାଇଛି । ଭଦ୍ରକ ଜିଲ୍ଲା ଆରଡି ପଞ୍ଚାୟତ ଅନ୍ତର୍ଗତ ଅଞ୍ଚଳରେ ବୈତରଣୀ ଓ ସାଳନ୍ଦୀ ନଦୀ ପାଣି ଶୀତଳପୁର ଠାରେ କୂଳଲଙ୍ଘି ଗାଁ ଦାଣ୍ଡ ଓ ବିଦ୍ୟାଳୟ ପରିସରରେ ଲହଡି ଭାଙ୍ଗୁଛି । ତେବେ ଜୁଆର ସମୟରେ ନଦୀର ଜଳସ୍ତର ବୃଦ୍ଧି ପାଇଥିବା ଜଣାପଡିଛି।

ସେପଟେ ନଦୀ ଜଳ ଗାଁ ମଧ୍ୟରେ ପ୍ରବେଶ କରିଥିବାରୁ କୁମ୍ଭୀର ଭୟ ସହ ଚାଷବାସ ନଷ୍ଟ ହେବ ବୋଲି ଚାଷୀମାନେ ଆଶଙ୍କା ପ୍ରକାଶ କରିଛନ୍ତି । ତେବେ ଏନେଇ ବାରମ୍ଵାର ଅଭିଯୋଗ ହେଲେ ମଧ୍ୟ ବିଭାଗୀୟ ଅଧିକାରୀ କୌଣସି ପଦକ୍ଷେପ ଗ୍ରହଣ କରୁନାହାନ୍ତି ବୋଲି କହିଛନ୍ତି ନଈକୂଳିଆବାସୀ । ଅନ୍ୟପଟେ ଏନେଇ ବିଭାଗୀୟ ଅଧିକାରୀ କୌଣସି ପ୍ରତିକ୍ରିୟା ପ୍ରକାଶ କରିନାହାନ୍ତି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ