ଭଦ୍ରକ: ସମ୍ପ୍ରତି କଟକର ଏକ କୋଭିଡ ହସ୍ପିଟାଲରେ ଅଗ୍ନିକାଣ୍ଡ ଘଟିବା ପରେ ରାଜ୍ୟ ସରକାର ସମସ୍ତ କୋଭିଡ ହସ୍ପିଟାଲର ଅଗ୍ନି ନିରାପତ୍ତା ବ୍ୟବସ୍ଥା ଅନୁଧ୍ୟାନ ପାଇଁ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦେଇଛନ୍ତି । ଏହି ପରିପ୍ରେକ୍ଷୀରେ ଭଦ୍ରକ ଜିଲ୍ଲାପାଳ ଜ୍ଞାନ ଦାସ ଭଦ୍ରକ ସାଳନ୍ଦୀ କୋଭିଡ ହସ୍ପିଟାଲ ପରିଦର୍ଶନ କରି ସେଠାକାର ଅଗ୍ନି ନିରାପତ୍ତା ବ୍ୟବସ୍ଥା ଅନୁଧ୍ୟାନ କରିଥିଲେ । ପରେ ଜିଲ୍ଲାପାଳଙ୍କ ସଦ୍ଭାବନା ସଭାଗୃହରେ ଏକ ବୈଠକ କରି ଲାଇନ ଡିପାର୍ଟମେଣ୍ଟ ସହିତ ସବିଶେଷ ଆଲୋଚନା କରିଥିଲେ ।
କୋଭିଡ ହସ୍ପିଟାଲରେ ଅଗ୍ନିକାଣ୍ଡ ପରେ ଏହାର ସୁରକ୍ଷା ନେଇ ଚିନ୍ତା
କେବେ କୌଣସି ପରିସ୍ଥିତିରେ ଯେପରି ଏ ନେଇ ପ୍ରଶ୍ନବାଚୀ ସୃଷ୍ଟି ନ ହୁଏ ସେଥିଲାଗି ସମସ୍ତେ ସଜାଗ ରହିବାକୁ ପରାମର୍ଶ ଦେଇଥିଲେ ଜିଲ୍ଲାପାଳ । କୋଭିଡ଼ ହସ୍ପିଟାଲ ଆରମ୍ଭ ସମୟରେ ଅଗ୍ନି ନିରାପତ୍ତା ସଂକ୍ରାନ୍ତୀୟ ତାଲିମପ୍ରାପ୍ତ ହୋଇଥିଲେ ବି ନିୟମିତ ବ୍ୟବଧାନରେ ଏନେଇ ସମସ୍ତ କର୍ମଚାରୀଙ୍କୁ ପୁଣି ତାଲିମ ଦେବାକୁ ଅଗ୍ନିଶମ ବିଭାଗକୁ ପରାମର୍ଶ ଦେଇଥିଲେ ।