ଭଦ୍ରକ: ଚାକିରୀ ହେଲା କାଳ । ଗୁରୁବାର ଜଣେ ଯୁବକ ନୂଆ ଚାକିରୀରେ ଯୋଗ ଦେବା ପାଇଁ ଘରୁ ବାହାରିଥିବା ବେଳେ ଟ୍ରକ ଦୁର୍ଘଟଣାରେ ତାଙ୍କର ମୃତ୍ୟୁ ଘଟିଛି । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଭଦ୍ରକ ଚାନ୍ଦବାଲି ରାସ୍ତାର ନଛିପୁର ଛକ ନିକଟରେ । ମୃତକ ଜଣଙ୍କ ନୂଆଶାସନ ଅଞ୍ଚଳର ରାଜେନ୍ଦ୍ର ସାହୁ ବୋଲି ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭଦ୍ରକ
ସୂଚନା ଅନୁଯାୟୀ, ଗୁରୁବାର ରାଜେନ୍ଦ୍ର ଢେଙ୍କାନାଳରେ ପାଇଥିବା ନୂଆ ଚାକିରିରେ ଯୋଗ ଦେଇଥାନ୍ତେ । ସେଥିପାଇଁ ସେ ଏବଂ ତାଙ୍କ ସାଙ୍ଗ ନିରଞ୍ଜନ ତ୍ରିପାଠୀ ବାଇକ ଯୋଗେ ପ୍ରଥମ ଭଦ୍ରକ ଏବଂ ତାପରେ ଢେଙ୍କାନାଳ ଯାଇଥାନ୍ତେ । ମାତ୍ର ବିଧିର ବିଧାନ କିଛି ଅଲଗା ଥିଲା । ଦୁହେଁ ସାଙ୍ଗ ମିଶି ବାଇକ ଯୋଗେ ଭଦ୍ରକ ଯାଉଥିବା ବେଳେ ସାମ୍ନାରୁ ଆସୁଥିବା ଏକ ହାଇୱା ଟ୍ରକ ସେମାନଙ୍କୁ ଧକ୍କା ଦେଇ ଟ୍ରକଟି ଘଟଣା ସ୍ଥଳରୁ ଫେରାର ହୋଇ ଯାଇଥିଲା।