ଗୋରୁ ବୋଝେଇ ଗାଡି ଦୁର୍ଘଟଣାଗ୍ରସ୍ତ, 5 ଗୋରୁ ମୃତ

ଏକ ପିକଅପ ଯୋଗେ ବେଆଇନ ଗୋରୁ ଚାଲାଣ ବେଳେ ଭଦ୍ରକ-ଧାମନଗର ରାସ୍ତାର ଭଣ୍ଡାରୀ ପଦି ଛକ ନିକଟରେ ପିକଅପ ଭ୍ୟାନ ଦୁର୍ଘଟଣାଗ୍ରସ୍ତ। ଫଳରେ ଘଟଣା ସ୍ଥଳରେ 5 ଗୋରୁ ମୃତ। ଅଧିକ ପଢନ୍ତୁ...

ଭଦ୍ରକ: ଗୋରୁ ବୋଝେଇ ପିକଅପ ଭ୍ୟାନ ଦୁର୍ଘଟଣାଗ୍ରସ୍ତ। ଘଟଣାସ୍ଥଳରେ 5 ଗୋରୁ ମୃତ। ସୂଚନା ଅନୁଯାୟୀ, ଭଦ୍ରକରୁ ଏକ ପିକଅପ ଯୋଗେ ବେଆଇନ ଭାବେ ଗୋରୁଙ୍କୁ ଧାମନଗର ନିଆଯାଉଥିବା ବେଳେ ଭଦ୍ରକ-ଧାମନଗର ରାସ୍ତାର ଭଣ୍ଡାରୀ ପଦି ଛକ ନିକଟରେ ପିକଅପଟି ଦୁର୍ଘଟଣାଗ୍ରସ୍ତ ହୋଇ ରାସ୍ତା କଡ଼କୁ ଓଲଟି ପଡିଥିଲା । ଫଳରେ ସେଥିରେ ଥିବା 5 ଟି ଗୋରୁଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା। 5 ଗୋରୁଙ୍କ ମଧ୍ୟରୁ 3 ଟି ଷଣ୍ଢ ଓ 2 ଟି ଗାଈ ଥିବା ସୂଚନା ମିଳିଛି ।

ତେବେ ଜୀବିତ ଥିବା ଅନ୍ୟ ଗୋରୁଗୁଡିକ ପଳାଇଯାଇଥିବା ବେଳେ ଗାଡି ଚାଳକ ଘଟଣାସ୍ଥଳରୁ ଫେରାର ହୋଇଯାଇଛି । ଏନେଇ ସେଠାରେ ଉତ୍ତେଜନା ଦେଖା ଦେବାରୁ ଧାମନଗର ପୋଲିସ ଘଟଣା ସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝା ସୁଝା କରୁଛି।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ