ଭଦ୍ରକ : ନଦୀରେ ବୁଡି ଯୁବକ ନିଖୋଜ । ଭଦ୍ରକ ଜିଲ୍ଲା ଧାମନଗର ବ୍ଲକ ଦେଇ ପ୍ରବାହିତ ବୈତରଣୀ ନଦୀର ଶାଖା ନଦୀ ଗେଙ୍ଗୁଟିରେ ଭାସିଯାଇ ଜଣେ ଯୁବକ ନିଖୋଜ ହୋଇଯାଇଛନ୍ତି। ନିଖୋଜ ଯୁବକ ଜଣକ ଧାମନଗର ବ୍ଳକ ଦିହୁଡ଼ି ଆନନ୍ଦପୁର ପଞ୍ଚାୟତର ରବିନ୍ଦ୍ର ପରିଡାଙ୍କ ପୁଅ ସନତ ପରିଡା ବୋଲି ସୂଚନା ମିଳିଛି।
ଭଦ୍ରକରେ ନଦୀରେ ବୁଡି ଯୁବକ ନିଖୋଜ ଶୁକ୍ରବାର ସନତ ପାହାଡ଼ପୁର ନିକଟ ନଦୀ ଘାଟରେ ଗାଧୋଉଥିବା ବେଳେ ହଠାତ ଗୋଡ ଖସିଯାଇଥିଲା । ଭାରସାମ୍ୟ ହରାଇ ସେ ନଦୀ ସ୍ରୋତରେ ଭାସିଯାଇଥିଲେ। ସ୍ଥାନୀୟ ଲୋକଙ୍କ ଠାରୁ ଖବର ପାଇ ଅଗ୍ନିସମ ବିଭାଗର ଏକ ଟିମ ଅନୁସନ୍ଧାନ ଜାରି ରଖିଛନ୍ତି। ହେଲେ ଅଦ୍ୟାବଧି ତାଙ୍କର କୌଣସି ପତ୍ତା ମିଳି ନଥିବା ଜଣାପଡିଛି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
