କାଳୀଭଞ୍ଜଡିହ ଦ୍ବୀପରେ ଫସିଥିବା 8 ମତ୍ସ୍ୟଜୀବୀ ଉଦ୍ଧାର

କାଳୀଭଞ୍ଜଡିହ ଦ୍ବୀପରେ ଫସିଥିବା 8ଜଣ ଧୀବରଙ୍କୁ ଉଦ୍ଧାର କରାଯାଇଥିବା ସୂଚନା ଦେଇଛନ୍ତି ଭଦ୍ରକ ଅତିରିକ୍ତ ଜିଲ୍ଲାପାଳ ଶ୍ୟାମଭକ୍ତ ମିଶ୍ର ।

ଭଦ୍ରକ: କାଳୀଭଞ୍ଜଡିହ ଦ୍ବୀପରେ ଫସିଥିବା 8ଜଣ ଧୀବରଙ୍କୁ ଉଦ୍ଧାର କରାଯାଇଛି । ଡଙ୍ଗା ଓଲଟି ପଡିଥିବାରୁ ମତ୍ସ୍ୟଜୀବୀମାନେ ସେଠାରେ ଫସି ରହିଥିଲେ ।

ତେବେ ଚାନ୍ଦବାଲି ତହସିଲଦାର ଓ ଆଇଆଇସି ଧାମରା ମେରାଇନଙ୍କ ନେତୃତ୍ବରେ ଓଡ୍ରାଫ ଟିମ୍‌ ଓ ସ୍ଥାନୀୟ ଧୀବରଙ୍କ ମିଳିତ ସହଯୋଗରେ ଫସିରହିଥିବା 8ଜଣ ମତ୍ସ୍ୟଜୀବୀଙ୍କୁ ଉଦ୍ଧାର କରିଛନ୍ତି ।

ଉଦ୍ଧାର ମତ୍ସ୍ୟଜୀବୀଙ୍କୁ ଚିକିତ୍ସା ନିମନ୍ତେ ଧାମରା ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିବା ଅତିରିକ୍ତ ଜିଲ୍ଲାପାଳ ଶ୍ୟାମଭକ୍ତ ମିଶ୍ର ସୂଚନା ଦେଇଛନ୍ତି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ