ଭଦ୍ରକ:ଧଳା ଜହରର ଜାଲରୁ ଜିଲ୍ଲାକୁ ସୁରକ୍ଷା ଦେବାକୁ ଅଣ୍ଟା ଭିଡିଛି ଭଦ୍ରକ ପୋଲିସ । ବୁଧବାର ସହରାଞ୍ଚଳ ଥାନାର ବିଭିନ୍ନ ଅଞ୍ଚଳରେ ଚଢାଉ କରି 61 ଗ୍ରାମ ବ୍ରାଉନସୁଗାର ପୋଲିସ ଜବତ କରିଛି । ଘଟଣାରେ 4 ଜଣଙ୍କୁ ଗିରଫ କରାଯାଇଛି । ଅଭିଯୁକ୍ତଙ୍କ ନିକଟରୁ 22ଟା ମୋବାଇଲ ଏବଂ 3ଟି ବାଇକ ଜବତ ହୋଇଛି ।
61 ଗ୍ରାମ ବ୍ରାଉନସୁଗାର ଜବତ, 4 ଗିରଫ
ଦୀର୍ଘ ଦିନ ଧରି ଅଭିଯୁକ୍ତମାନେ ଭଦ୍ରକରେ ବ୍ରାଉନସୁଗାର ବେପାର ଚଳାଇ ଆସୁଥିଲେ । ଯାହା ଉପରେ ତୀକ୍ଷ୍ମ ନଜର ରଖିଥିଲା ପୋଲିସ । ଏହାପରେ ଭଦ୍ରକ ଟାଉନ ପୋଲିସ ଆରମ୍ଭ କରିଥିଲା ରେଡ । ସହରର ବିଭିନ୍ନ ସ୍ଥାନରେ ଚଢାଉ କରାଯାଇ 61 ଗ୍ରାମ ବ୍ରାଉନସୁଗାର ଜବତ କରାଯାଇଛି । ଅଭିଯୁକ୍ତଙ୍କ ମଧ୍ୟରେ ଜଣେ ମହିଳା ମଧ୍ୟ ସାମିଲ ଥିବା ପୋଲିସ ସୂଚନା ଦେଇଛି ।