ଭଦ୍ରକ: ପୂର୍ବ ଶତ୍ରୁତାକୁ କେନ୍ଦ୍ର କରି ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ । ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ବାଂଶଡା ଥାନା ଖଦାଳପୋଖରୀ ପଞ୍ଚାୟତ ଅଧିନ ବିରିଆଡିଆ ଗ୍ରାମରେ ପୋଲିସ ଉପସ୍ଥିତିରେ ଦୁଇଗୋଷ୍ଠୀ ମଧ୍ୟରେ ସାମାନ୍ୟ ବଚସାରୁ ଗଣ୍ଡଗୋଳ ଦେଖିବାକୁ ମିଳିଥିଲା । ଏହି ଘଟଣାରେ ୧୨ ଜଣଙ୍କ ବିରୋଧରେ ୨ଟି ମାମଲା ରୁଜୁ କରିଛି ପୋଲିସ ।
ପୂର୍ବ ଶତ୍ରୁତାକୁ କେନ୍ଦ୍ର କରି ଗଣ୍ଡଗୋଳ ବେଳେ ଜାଳିଦେଲେ ଘର, ୫ ଗିରଫ
ସୂଚନା ମୁତାବକ, ବିରିଆଡିଆ ଗ୍ରାମରେ ମୁକ୍ତିକାନ୍ତ ନାୟକ ଓ ସନାତନ ନାୟକଙ୍କ ମଧ୍ୟରେ ପୂର୍ବରୁ ବିବାଦ ଲାଗି ରହିଥିଲା । ଏପରିକି ମାଲିମକଦ୍ଦମା ପର୍ଯ୍ୟନ୍ତ କଥା ଯାଇଥିଲା । ତେବେ ଗତକାଲି ଅପରାହ୍ନରେ ମୁକ୍ତିକାନ୍ତ ନାୟକ ଘର ତିଆରି କରୁଥିବାବେଳେ ଅପରପକ୍ଷରୁ ବିରୋଧ କରାଯାଇଥିଲା । ପୋଲିସ ଘଟଣା ସ୍ଥଳରେ ପହଞ୍ଚି ବୁଝାସୁଝା କରିଥିଲେ ମଧ୍ୟ ଉଭୟ ପକ୍ଷଙ୍କ ମଧ୍ୟରେ ବାକବିତଣ୍ଡା ଓ ଗଣ୍ଡଗୋଳ ହୋଇଥିଲା । ପରେ ମୁକ୍ତିକାନ୍ତଙ୍କ ବାସଗୃହକୁ ନିଆଁ ଲଗାଇ ପୋଡି ଦିଆଯାଇଥିଲା । ଫଳରେ ଘରର ସମସ୍ତ ଆସବାବପତ୍ର ପୋଡି ଯାଇଥିଲା ।