ଭଦ୍ରକ: ଭଦ୍ରକରେ ନିଶା କାରବାର ଏବେ ଚରମ ସୀମାରେ ପହଞ୍ଚିଛି । ବ୍ରାଉନସୁଗାର ସେବନ କରୁଥିବା 3 ଯୁବକଙ୍କୁ କାବୁ କରି ପୋଲିସକୁ ହସ୍ତାନ୍ତର କଲେ ଲୋକେ । ଏହିଭଳି ଏକ ଘଟଣା ଦେଖିବାକୁ ମିଳିଥିଲା କଦମବେଡା ପେଟ୍ରୋଲ ପମ୍ପ ନିକଟରେ ।
ବ୍ରାଉନସୁଗାର ସେବନ ବେଳେ 3 ଯୁବକ ଗିରଫ
ଖବର ଅନୁଯାୟୀ ପୋଲିସ ବିଭାଗର କାର୍ଯ୍ୟରତ ଜଣେ ଗାଡି ଡ୍ରାଇଭରଙ୍କ ପୁଅ ସମେତ ସ୍ଥାନୀୟ କେତେକ ଯୁବକ ବ୍ରାଉନସୁଗାର ପୁଡିଆ ଧରି ନିଶା ସେବନ କରୁଥିଲେ । ଏନେଇ ଖବର ପାଇ ସ୍ଥାନୀୟ ଲୋକେ ସେମାନଙ୍କୁ କାବୁ କରିବାକୁ ଯିବା ସମୟରେ ନିଶା ସେବନ କରୁଥିବା ଯୁବକ ମାନେ ହାତରେ ମାରଣାସ୍ତ୍ର ଧରି ସେମାନଙ୍କୁ ଗୋଡାଇବା ସହ ଆତଙ୍କ ଖୋଳାଇଥିଲେ ।