ଭଦ୍ରକ/ବାଲେଶ୍ବର: ରାଜ୍ୟର ଦୁଇ ପୃଥକ ସ୍ଥାନରେ ଭୟାବହ ଅଗ୍ନିକାଣ୍ଡ । ଭଦ୍ରକ ଧାମନଗର ବ୍ଲକ କାଙ୍କରା ଗ୍ରାମ ଓ ବାଲେଶ୍ବର ମଇତାପୁର ପଞ୍ଚାୟତର ହାଟମଇତାପୁର ଗ୍ରାମରେ ଘଟିଛି ଏହି ଅଗ୍ନିକାଣ୍ଡ । ଘଟଣାରେ ଭଦ୍ରକର 3ଟି ପରିବାରର 7 ବଖରା ଘର ଜଳି ପାଉଁଶ ହୋଇଛି । ଏଥିସହ ବାଲେଶ୍ବରର ଗୋଟିଏ ପରିବାରର 5 ବଖରା ଘର ଭସ୍ମୀଭୂତ ହୋଇଛି ।
ରାଜ୍ୟରେ 2 ପୃଥକ ଅଗ୍ନିକାଣ୍ଡ
ଶନିବାର ରାତିରେ ଉଭୟ ଅଗ୍ନିକାଣ୍ଡ ଘଟିଥିବାବେଳେ ଏହାର କାରଣ ଏବେ ଯାଏଁ ଅସ୍ପଷ୍ଟ ରହିଛି । ସୂଚନା ଅନୁଯାୟୀ ଶନିବାର ବିଳମ୍ବିତ ରାତିରେ ଭଦ୍ରକର ସୁଦାମ ପାତ୍ର, ସୂର୍ଯ୍ୟମଣି ପାତ୍ର ଓ ନିରଞ୍ଜନ ପାତ୍ର ଘରେ ଶୋଇଥିବାବେଳେ ହଠାତ୍ ନିଆଁ ଲାଗିଯାଇଥିଲା । ନିଆଁ ଏତେ ଅଧିକ ଥିଲା ଯେ ଘରେ ଥିବା ପ୍ରାୟ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ନଷ୍ଟ ହୋଇଯାଇଛି । ଏଥିସହ ଗୋଟିଏ ଗାଈ ମଧ୍ୟ ପୋଡି ଗୁରୁତର ହୋଇଥିବା ଜଣାପଡିଛି । ରବିବାର ସକାଳେ ରାଜସ୍ବ ନିରୀକ୍ଷକ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି ।