ଭଦ୍ରକ: କାଳୀପୂଜା ଦେଖିଯିବା ସମୟରେ ଅଘଟଣ । ଦୁର୍ଘଟଣାରେ ପ୍ରାଣ ହରାଇଲେ ଦାଦା-ଝିଆରୀ । ଭଦ୍ରକ ଜିଲ୍ଲା 16 ନମ୍ବର ଜାତୀୟ ରାଜପଥ ଅନ୍ତର୍ଗତ ତ୍ରିଶଳପୁର ଛକ ନିକଟରେ ଘଟିଛି ଦୁର୍ଘଟଣା । ମୃତକ ଦୁହେଁ ବନ୍ତ ବ୍ଲକ ଅଣିଜ ପଞ୍ଚାୟତ ନରିପୁର ଗାଁର ବୋଲି ଜଣା ପଡିଛି ।
ସୂଚନା ମୁତାବକ, ଉଭୟ କାଳୀପୂଜା ଦେଖିବାକୁ ଭଦ୍ରକ ଯାଉଥିଲେ । ଏହି ସମୟରେ ତ୍ରିଶଳପୁର ଛକ ନିକଟରେ ଏକ ପିକଅପ ଭ୍ୟାନ ସେମାନଙ୍କୁ ପଛପଟୁ ଧକ୍କା ଦେଇଥିଲା । ଉଭୟଙ୍କ ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା । ତେବେ ଦୁର୍ଘଟଣା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି । ସେପଟେ ପିକଅପ ଭ୍ୟାନର ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଥିବା ଜଣା ପଡିଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
