କୋଚିଳା ଫଳ ସିଝାପାଣି ପିଇ ଜଣେ ମୃତ, 2 ଗୁରୁତର

ଭଦ୍ରକ ଜିଲ୍ଲା ବାସୁଦେବପୁର ବ୍ଲକର ବିନାୟକପୁର ମଳିକ ସାହିରେ ଅଘଟଣ । କୋଚିଳା ଫଳର ସିଝା ପାଣି ପିଇ ଗୋଟିଏ ପରିବାରର ଜଣେ ମୃତ, 2 ଗୁରୁତର । ଗୁରୁତର ମାନଙ୍କୁ ଜିଲ୍ଲା ମେଡିକାଲରେ ଭର୍ତ୍ତି କରାଯାଇଛି ।

ଭଦ୍ରକ: କୋଚିଳା ଫଳ ସିଝା ପାଣି ପିଇ ଗୋଟିଏ ପରିବାରର ଜଣେ ମୃତ, 2 ଗୁରୁତର । ଭଦ୍ରକ ଜିଲ୍ଲା ବାସୁଦେବପୁର ବ୍ଲକର ବିନାୟକପୁର ମଳିକ ସାହିରେ ଘଟିଛି ଏହି ଅଘଟଣ ।

ଶୁକ୍ରବାର ସକାଳେ ଉଗ୍ରେସନ ମଲିକଙ୍କ 2 ପୁଅ ଓ ନାତି ଚା’ ଭାବି କୋଚିଳା ଫଳର ସିଝା ପାଣି ପିଇ ଦେଇଥିଲେ । ପରିବାର ଲୋକେ ଏହା ଜାଣିବା ପରେ ସମସ୍ତଙ୍କୁ ବାସୁଦେବପୁର ମେଡିକାଲରେ ଭର୍ତ୍ତି କରିଥିଲେ ।

ମେଡିକାଲରେ ଉଗ୍ରେସନ ମଲ୍ଲିକଙ୍କ ସାନ ପୁଅ ଯତୀନ ମଳିକ ମୃତ୍ୟୁ ହେଇଥିବା ବେଳେ ମଝିଆ ପୁଅ ଅଗସ୍ତି ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ଭଦ୍ରକ ମେଡିକାଲକୁ ସ୍ଥାନାନ୍ତର କରାଯାଇଛି । ତେବେ 4 ବର୍ଷର ନାତି ମହେଶ ବାସୁଦେବପୁର ଚିକିତ୍ସାଧୀନ ଅଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ