ବରଗଡ଼: ଟାଉନ ଥାନା ଅନ୍ତର୍ଗତ ପାଣିଛତ୍ର ଗ୍ରାମରେ ଜଣେ 22 ବର୍ଷୀୟ ଯୁବକଙ୍କ ସନ୍ଦେହଜନକ ମୃତ୍ୟୁ । ଏପଟେ ଯୁବକଙ୍କ ଝୁଲନ୍ତା ମୃତଦେହ ଦେଖିବା ପରେ ଏହାକୁ ହତ୍ୟାକାଣ୍ଡ ବୋଲି ଅଭିଯୋଗ ଆଣିଛନ୍ତି ପରିବାର ଲୋକେ । ତେବେ ମୃତ ଯୁବକଙ୍କ ଗୋଡ଼ ମାଟିରେ ଯେଉଁଭଳି ଭାବରେ ରହିଛି ପୋଲିସ ମଧ୍ୟ ପାରିପାର୍ଶ୍ବିକ ସ୍ଥିତିରୁ ଅନୁଧ୍ୟାନ କରି ହତ୍ୟାକାଣ୍ଡ ବୋଲି ସନ୍ଦେହ କରିଛି ।
ଯୁବକଙ୍କ ସନ୍ଦେହଜନକ ମୃତ୍ୟୁ, ହତ୍ୟାକରି ଆତ୍ମହତ୍ୟା ରୂପ ଦେଇଥିବା ଅଭିଯୋଗ
ସୂଚନା ଅନୁଯାୟୀ, ଗତ ରବିବାର ବରଗଡ଼ ଟାଉନ ଥାନା ଅନ୍ତର୍ଗତ ପାଣିଛତ୍ର ଗ୍ରାମର ଦିଲ୍ଲୀପ ହିଆଲ ନାମକ 22 ବର୍ଷର ଯୁବକ, ଘରୁ ଶୌଚ ଯାଉଛି କହି ଆଉ ଘରକୁ ଫେରିନଥିଲେ । ବହୁ ଖୋଜାଖୋଜି ପରେ ମଧ୍ୟ ପରିବାର ଲୋକେ ତାଙ୍କୁ ପାଇନଥିଲେ । ତେବେ ଗତକାଲି(ସୋମବାର) ଦିଲ୍ଲୀପଙ୍କର ଝୁଲନ୍ତା ମୃତଦେହ ପାଣିଛତ୍ରଠାରେ ଥିବା ଏକ ଦୋକାନ ସମ୍ମୁଖରେ ଦେଖିବାକୁ ମିଳିଥିଲା । ସ୍ଥାନୀୟ ଲୋକେ ଦେଖିବା ପରେ ଏନେଇ ପରିବାର ଲୋକ ଏବଂ ପୋଲିସକୁ ଖବର ଦେଇଥିଲେ ।