ବରଗଡ: କୋରୋନା ମହାମାରୀ କାରଣରୁ ଚଳିତ ବର୍ଷ ବରଗଡର ବିଶ୍ଵପ୍ରସିଦ୍ଧ ଧନୁଯାତ୍ରାକୁ ସ୍ଥଗିତ ରଖାଯାଇଛି । ତେବେ ଏହି ନିଷ୍ପତ୍ତିକୁ ପଶ୍ଚିମ ଓଡିଶା ଯୁବାମଞ୍ଚ ତରଫରୁ ବିରୋଧ କରାଯାଇଛି । ଆଜି (ଶୁକ୍ରବାର) ପଶ୍ଚିମ ଓଡିଶା ଯୁବାମଞ୍ଚ ତରଫରୁ ବରଗଡ ଜିଲ୍ଲାପାଳଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରାଯାଇଛି । ବିଶ୍ଵପ୍ରସିଦ୍ଧ ଧନୁଯାତ୍ରାକୁ ମହାଆଡମ୍ବରରେ କରାନଯାଇ ଡିଜିଟାଲ ମାଧ୍ୟମରେ କରାଯାଉ ବୋଲି ଦାବି ହୋଇଛି ।
ଡିଜିଟାଲି ଧନୁଯାତ୍ରା କରିବାକୁ ପଶ୍ଚିମ ଓଡ଼ିଶା ଯୁବ ମଞ୍ଚର ଦାବି
କୋରୋନାର ପ୍ରଭାବ ଶୀର୍ଷରେ ଥିବା ସମୟରେ କୋଭିଡ଼ କଟକଣାକୁ ପାଳନ କରି ବଡ଼ ଠାକୁରଙ୍କର ରଥଯାତ୍ରା ଯେଉଁଭଳି ସଫଳତାର ସହିତ ସମ୍ଭବ ହୋଇ ପାରିଲା ସେହିଭଳି ଏକ ରାସ୍ତା ବାହାର କରାଯାଉ । ଏବଂ ଧନୁଯାତ୍ରାକୁ ବନ୍ଦ ନକରି ଡିଜିଟାଲ ମାଧ୍ୟମରେ କରିବା ପାଇଁ ବରଗଡ଼ ଜିଲ୍ଲାପାଳଙ୍କୁ ପଶ୍ଚିମ ଓଡିଶା ଯୁବା ମଞ୍ଚର ଦାବି ପତ୍ର ପ୍ରଦାନ ଦେଇଛନ୍ତି ।