ଓଡିଶା

odisha

ETV Bharat / state

ବଢୁଛି ହାତୀଙ୍କ ଉପଦ୍ରବ, କ୍ଷତିପୂରଣ ଦାବିରେ ଫରେଷ୍ଟରଙ୍କୁ ଗ୍ରାମବାସୀଙ୍କ ଘେରାବନ୍ଦୀ - ବରଗଡରେ ହାତୀଙ୍କ ଫସଲ ନଷ୍ଟ

ଗତ ଦେଢ ମାସ ଭିତରେ ପଳସାପାଲି ପଞ୍ଚାୟତର ବିଭିନ୍ନ ଗାଁରେ ବଢି ଚାଲିଛି ଏକ ହାତୀପଲଙ୍କ ଆତଙ୍କରାଜ । ହାତୀଙ୍କ ଯୋଗୁଁ ଗାଁରେ ବ୍ୟାପକ ଫସଲହାନୀ ହୋଇଥିବା ସହ ଗତ ମାସେ ଭିତରେ 2 ଜଣଙ୍କ ମୃ୍ତ୍ୟୁ ମଧ୍ୟ ହୋଇସାରିଛି । ଅଧିକ ପଢନ୍ତୁ ...

ଫଟୋ ସୌଜନ୍ୟ: ସମ୍ବାଦଦାତା, ବରଗଡ

By

Published : Nov 24, 2019, 2:55 AM IST

ବରଗଡ: ଦିନକୁ ଦିନ ପଦ୍ମପୁର ବ୍ଲକ ଅନ୍ତର୍ଗତ ଘନାମାଲ ଗ୍ରାମରେ ବଢିବାରେ ଲାଗିଠି ହାତୀଙ୍କ ଉପଦ୍ରବ । ଏନେଇ ଗ୍ରାମବାସୀମାନେ ବାରମ୍ବାର ବନ ବିଭାଗକୁ ଅଭିଯୋଗ କରିଥିଲେ ବି ମିଳିପାରୁନାହିଁ କୌଣସି ସୁଫଳ । ଫଳରେ ଶନିବାର ବନ ବିଭାଗ କର୍ମଚାରୀଙ୍କୁ ଘେରାବନ୍ଦୀ କରି ରଖିଥିଲେ ଗ୍ରାମବାସୀ ।

ସୂଚନା ଅନୁଯାୟୀ, ଗତ ଦେଢ ମାସ ଭିତରେ ପଳସାପାଲି ପଞ୍ଚାୟତର ବିଭିନ୍ନ ଗାଁରେ ବଢି ଚାଲିଛି ଏକ ହାତୀପଲର ଆତଙ୍କରାଜ । ହାତୀଙ୍କ ଯୋଗୁଁ ଗାଁରେ ବ୍ୟାପକ ଫସଲହାନୀ ହୋଇଥିବା ସହ ଗତ ମାସେ ଭିତରେ 2 ଜଣଙ୍କ ମୃ୍ତ୍ୟୁ ମଧ୍ୟ ହୋଇସାରିଛି । ତେଣେ ଏନେଇ ବାରମ୍ବାର ବନ ବିଭାଗକୁ ଅଭିଯୋଗ କରିବା ପରେ ବି ବିଭାଗ ପକ୍ଷରୁ ନିଆଯାଇନଥିଲା କୌଣସି କାର୍ଯ୍ୟାନୁଷ୍ଠାନ ।

ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ

ଏନେଇ ଗ୍ରାମବାସୀମାନେ ଭୟଭୀତ ଥିବା ବେଳେ ଘଟଣାରେ ବନ ବିଭାଗରେ ନିରବତାକୁ ନେଇ ଲୋକଙ୍କ ମଧ୍ୟରେ ଦେଖାଦେଇଛି ତୀବ୍ର ଅସନ୍ତୋଷ । ଫଳରେ ଶନିବାର ଫରେଷ୍ଟର ପୂର୍ଣ୍ଣଚନ୍ଦ୍ର ଦୋରା, ଫରେଷ୍ଟଗାର୍ଡ ଦୀପ୍ତିବାଲା ତାଣ୍ଡୀଙ୍କ ସହ 10 ଜଣ ବନ କର୍ମଚାରୀଙ୍କୁ ଅଟକ ରଖିଥିଲେ ଘନାମାଲ ଗ୍ରାମବାସୀ । ବନ କର୍ମଚାରୀଙ୍କ ଅଟକ ରଖି ତାଙ୍କର ସମସ୍ତ ଦାବି ପୂରଣ କରାଗଲେ ଯାଇ ସେମାନଙ୍କୁ ଛଡାଯିବ ବୋଲି କହିଥିଲେ ଗ୍ରାମବାସୀ ।

ଏଥିସହ ଗ୍ରାମରେ ଷ୍ଟ୍ରିଟ ଲାଇଟ ଲଗାଯାଇ ଚାରିଆଡେ ଆଲୋକର ବ୍ୟବସ୍ଥା କରାଯିବା ସହ ହାତୀ ଘଉଡାଇବା ପାଇଁ ଶୀଘ୍ର ବ୍ୟବସ୍ଥା କରାଯାଉ ବୋଲି ଗ୍ରାମବାସୀମାନେ କହିଛନ୍ତି । ତେଣେ ହାତୀ ଦ୍ବାରା ହୋଇଥିବା କ୍ଷୟକ୍ଷତିର ଆକଳନ କରାଯାଇ ଏହାର ଭରଣା କରିବାକୁ ମଧ୍ୟ ଦାବି କରିଛନ୍ତି ଗ୍ରାମବାସୀ ।

ବରଗଡରୁ ରାଜେଶ ସରାପ, ଇଟିଭି ଭାରତ

ABOUT THE AUTHOR

...view details