ବରଗଡ: ଉଠା ଜଳପ୍ରକଳ୍ପ ବିଭାଗର ସହକାରୀ ଯନ୍ତ୍ରୀଙ୍କ ଘରେ ଭିଜିଲାନ୍ସ ଚଢାଉ । ଆୟ ବହିର୍ଭୂତ ସମ୍ପତ୍ତି ଠୁଳ କରିବା ଅଭିଯୋଗରେ ଯନ୍ତ୍ରୀ ବୈକୁଣ୍ଠ ନାଥ ରାଉତଙ୍କ ଘରେ ଯାଞ୍ଚ କରୁଛି ବିଭାଗ । ଭୁବନେଶ୍ବର ସ୍ଥିତ ଘର ସହିତ 5ଟି ବିଭିନ୍ନ ସ୍ଥାନରେ ଏକକାଳୀନ ଚଢାଉ ହୋଇଛି।
ସହକାରୀ ଯନ୍ତ୍ରୀଙ୍କ ଘରେ ଭିଜିଲାନ୍ସ ଚଢାଉ ଭୁବନେଶ୍ବର ସ୍ଥିତ ବାସଭବନ ସହିତ ପୈତୃକ ଘର ବାରିପଦା, ଶଶ୍ବର ଘର ଓ ବରଗଡ ଗଙ୍ଗାଧର ନଗରପଡା ସ୍ଥିତ ଭଡା ଘର ସହିତ ବରଗଡ ଉଠା ଜଳ ପ୍ରକଳ୍ପ କାର୍ଯ୍ୟାଳୟରେ ଏକକାଳୀନ ଚଢାଉ କରୁଛି ବିଭାଗ । ଭୁବନେଶ୍ବର ଭିଜିଲାନ୍ସ ବିଭାଗର ଇନସ୍ପେକ୍ଟର ମନୋରଞ୍ଜନ ପାଇକରାୟଙ୍କ ନେତୃତ୍ବରେ ବରଗଡର 2ଟି ସ୍ଥାନରେ ଚଢାଉ ଚାଲିଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
