ବରଗଡ: ରାଜ୍ୟରେ ପାଳିତ ହୋଇଛି ବିରତା ଦିବସ। ଓଡିଶାର ଘେଁସ ଜମିଦାର ପରିବାରର 5ଜଣ ବୀର ପୁତ୍ର ଦେଶ ପାଇଁ ନିଜକୁ ସହିଦ କରିଥିବାରୁ ପ୍ରତିବର୍ଷ ଡିସେମ୍ବର 31 ତାରିଖକୁ ବୀରତା ଦିବସ ରୂପେ ପାଳନ କରାଯାଇଥାଏ। ଏହି ଅବସରରେ ବରଗଡ କୋଶଳ ସେନା ଓ ଜିଲ୍ଲା ପ୍ରଶାସନ ପକ୍ଷରୁ ସ୍ଥାନୀୟ ବୀର ଛକ ଠାରେ ଏହାର ପାଳନ କରାଯାଇଛି।
ବରଗଡ କୋଶଳ ସଙ୍ଗଠନ ପକ୍ଷରୁ ଆଜି ମାଁ ସମଲେଶ୍ବରୀ ଦେବୀ ମନ୍ଦିର ଠାରୁ ପୂଜାର୍ଚ୍ଚନା କରାଯାଇ ଏକ ମଶାଲ ରାଲି କରାଯାଇଥିଲା। ଏହି ମଶାଲ ଯାତ୍ରା ସ୍ଥାନୀୟ ଗାନ୍ଧି ଛକ ଠାରେ ପହଞ୍ଚି ମହାତ୍ମା ଗାନ୍ଧୀ ଓ ବୀର ସୁରେନ୍ଦ୍ର ସାଏଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ। ହଲଦୀପାଲି ଛକ ଠାରେ ଘେଁସ ଜମିଦାରଙ୍କ ଉଦ୍ଦେଶ୍ୟରେ ନିର୍ମିତ ହୋଇଥିବା ବୀର ଛକରେ ପହଞ୍ଚିଥିଲା।
ବରଗଡରେ ପାଳିତ ହେଲା ବିରତା ଦିବସ