ଭୁବନେଶ୍ବର: ପଦ୍ମପୁର ଉପନିର୍ବାଚନ ( Padmapur By Poll) ବିଜୟ ପାଇଁ ବିଜେପି ପୁରା ଦମ ଲଗାଇବ । ପ୍ରଚାର ଅଭିଯାନରେ ଷ୍ଟାର ପ୍ରଚାରକଙ୍କ ବ୍ୟତୀତ ଯେଉଁ ନେତାଙ୍କ ଆବଶ୍ୟକତା ପଡିବ ସେହି ନେତାଙ୍କୁ ପଦ୍ମପୁର ଆଣି ଦଳ ପ୍ରଚାର କରିବ । ଏହାକୁ ନେଇ ରାଜ୍ୟ ବିଜେପି ସାଧାରଣ ସମ୍ପାଦକ ସୂଚନା ଦେଇଛନ୍ତି ।
Padmapur By Poll: କେନ୍ଦ୍ର କୃଷି ମନ୍ତ୍ରୀ ମଧ୍ୟ ପ୍ରଚାର କରିପାରନ୍ତି: ବିଜେପି
ଆଜି ବିଜେପି ସାଧାରଣ ସମ୍ପାଦକ ଗୋଲକ ମହାପାତ୍ର କହିଛନ୍ତି, "ପଦ୍ମପୁର ଲଢେଇ ପାଇଁ ବିଜେପି ପୁରା ରଣନୀତି ସହ କାମ କରୁଛି । ଷ୍ଟାର ପ୍ରଚାରକଙ୍କ ବ୍ୟତୀତ ଦଳର ସମସ୍ତ ନେତା ମୈଦାନକୁ ଓହ୍ଲାଇବେ । ଷ୍ଚାର ପ୍ରଚାର ତାଳିକାରେ ଯେହେତୁ 40 ଜଣରୁ ଅଧିକ ନେତା ସ୍ଥାନ ପାଇପାରିବେ ନାହିଁ, ତେଣୁ ସମସ୍ତ ନେତାଙ୍କୁ ସ୍ଥାନ ଦେବା ସମ୍ଭବ ନୁହେଁ । ପଦ୍ମପୁରର ସମସ୍ତ ଭୋଟ ଆମ ପାଇଁ ଗୁରୁତ୍ବପୂର୍ଣ୍ଣ । ଦଳର ସମସ୍ତ ନେତାଙ୍କୁ ଦାୟିତ୍ବ ପ୍ରଦାନ କରାଯାଇଛି । ଦଳୀୟ ନେତା ମାନେ ପଦ୍ମପୁରରେ ରହି ନିର୍ବାଚନ ପ୍ରଚାରରେ ଲାଗିଛନ୍ତି ।"