ବରଗଡ: ମହାମାରୀ ସମୟରେ ପ୍ରବାସୀ ଶ୍ରମିକଙ୍କ ଘରବାହୁଡାର କିଛିମାସ ପରେ ଏବେ ପୁଣି ଅନ୍ୟ ରାଜ୍ୟକୁ ପୂର୍ବପରି କାମ କରିବାକୁ ଚାଲିଯାଉଛନ୍ତି ଶ୍ରମିକ ମାନେ । ଦୀର୍ଘ ଦିନ ଘରେ ରହିବା ପରେ ମଧ୍ୟ କାମ ଧନ୍ଦା ଅଭାବ କାରଣରୁ ପୁଣି ଅନ୍ୟତ୍ର ରାଜ୍ୟକୁ ଦାଦନ ଖଟି ଯିବାକୁ ବାଧ୍ୟ ହେଉଛନ୍ତି |
ସ୍ବରାଜ୍ୟରେ ମିଳୁନି କାମ, ପୁଣି ଅନ୍ୟ ରାଜ୍ୟକୁ ବାହାରିଲେ ଦାଦନ ଶ୍ରମିକ
କୋରୋନା ମହାମାରୀ ଯୋଗୁଁ ନିଜ ନିଜ ରାଜ୍ୟକୁ ଫେରିଆସିଥିବା ଦାଦନ ଶ୍ରମିକ ମାନଙ୍କ ଅବସ୍ଥା ଏବେ ଶୋଚନୀୟ ହୋଇପଡିଛି | ବରଗଡ ଜିଲ୍ଲାରୁ ବାହାର ରାଜ୍ୟକୁ ବହୁ ଶ୍ରମିକ ଦାଦନ ଖଟିବାକୁ ଯାଇଥିଲେ ମାତ୍ର ଏବେ ବରଗଡରେ ବହୁ ଶ୍ରମିକ କାମ ଧନ୍ଦା ଅନ୍ବେଷଣ ରେ ଏଣେତେଣେ ବୁଲୁଛନ୍ତି | ସମସ୍ତ ଶ୍ରମିକ ଜିଲ୍ଲାରେ ରହିଯାଇଥିବା ବେଳେ ଶ୍ରମିକଙ୍କ ସଂଖ୍ୟା ଜିଲ୍ଲାରେ ମାତ୍ରାଧିକ ହୋଇପଡିଛି |