ବରଗଡ଼ ସବଜେଲରେ ଦୁଇ କଏଦୀ ଗୋଷ୍ଠୀ ମୁଁହାମୁହିଁ, ଥାନାରେ ମାମଲା

ବରଗଡ ସବ ଜେଲ ଭିତରେ ଥିବା ବିଚାରଧିନ କଏଦୀଙ୍କ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ । ଏହି ଗୋଷ୍ଠୀ ସଂଘର୍ଷରେ ଜଣେ ବିଚାରଧିନ କଏଦୀ ଆହତ ହୋଇଥିବା ବେଳେ ବରଗଡ ଟାଉନ ଥାନାରେ ଏନେଇ ଅଭିଯୋଗ ହୋଇଛି । ଅଧିକ ପଢନ୍ତୁ

ବରଗଡ: ବରଗଡ ସବ ଜେଲ ଭିତରେ ଥିବା ବିଚାରଧିନ କଏଦୀଙ୍କ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ । ଏହି ଗୋଷ୍ଠୀ ସଂଘର୍ଷରେ ଜଣେ ବିଚାରଧିନ କଏଦୀ ଆହତ ହୋଇଥିବା ବେଳେ ବରଗଡ ଟାଉନ ଥାନାରେ ଏନେଇ ଅଭିଯୋଗ ହୋଇଛି । ସବଜେଲର ଜେଲର ଏନେଇ ସୂଚନା ଦେଇଥିବା ବେଳେ ଘଟଣାର ତଦନ୍ତ ପାଇଁ ବରଗଡ ପହଞ୍ଚିଛନ୍ତି ସମ୍ବଲପୁର ରେଞ୍ଜ ଜେଲ DIG ଅନୁଶୟା ଜେନା ।

ସୂଚନା ଅନୁଯାୟୀ, ବରଗଡ ସବ ଜେଲ ଭିତରେ କୌଣସି କାରଣକୁ ନେଇ ଜେଲ ଭିତରେ ଥିବା ବିଚାରଧିନ କଏଦୀ ମାନଙ୍କର ଦୁଇ ଗୋଷ୍ଠୀ ମଧ୍ୟରେ ପ୍ରଥମେ ଗଣ୍ଡଗୋଳ ଆରମ୍ଭ ହୋଇଥିଲା ଏବଂ ପରବର୍ତ୍ତୀ ମୁହୂର୍ତ୍ତରେ ଏହା ଉଗ୍ରରୂପ ନେଇଥିଲା । ଉଭୟ ଗୋଷ୍ଠୀ ମଧ୍ୟରେ ମାଡପିଟ ଆରମ୍ଭ ହୋଇଯାଇଥିଲା ଜେଲ ଭିତରେ । ତେବେ ଗଣ୍ଡଗୋଳରେ ଜଣେ କଏଦୀ ଆହତ ହୋଇଥିବା ବେଳେ ତାଙ୍କର ଚିକିତ୍ସା କରାଯାଇଥିଲା । ଅପରପଟେ ବରଗଡ ଟାଉନ ଥାନାରେ ଏନେଇ ସବ ଜେଲର ଅଞ୍ଜଳି ପଟେଲଙ୍କ ଅଭିଯୋଗ କ୍ରମେ କେସ ନମ୍ବର 70ରେ ଏକ ମାମଲା ରୁଜ୍ଜୁ ହୋଇଛି ।

ବରଗଡରୁ ରାଜେଶ ସରାପ, ଇଟିଭି ଭାରତ