ବରଗଡ: ସହରର ୧୪ ନମ୍ବର ୱାର୍ଡ ସ୍ଥିତ ମାଷ୍ଟରଟିକ୍ରା ଠାରେ ଏକ ମାଲବୋଝେଇ ଟ୍ରକ ମାଡିଯିବାରୁ ଦେଢ ବର୍ଷର ବାଳକର ମୃତ୍ୟୁ ହୋଇଛି । ସ୍ଥାନୀୟ ଲୋକେ ଉତ୍ୟକ୍ତ ହୋଇ ରାସ୍ତା ଅବରୋଧ କରିଛନ୍ତି । ଲୋକମାନେ ସେହି ରାସ୍ତା ଦେଇ ଟ୍ରକ ଯାତାୟତକୁ ସମ୍ପୂର୍ଣ୍ଣ ବନ୍ଦ କରିବା ସହ ମୃତ ଶିଶୁର ପରିବାର ବର୍ଗଙ୍କୁ କ୍ଷତିପୂରଣ ପ୍ରଦାନ ପାଇଁ ଦାବି କରିଛନ୍ତି । ପରିସ୍ଥିତିକୁ ଆୟତ୍ତ କରିବା ପାଇଁ ଘଟଣାସ୍ଥଳରେ ପୋଲିସ ମୁତୟନ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ସୂଚନାଯୋଗ୍ୟ, ମୃତ୍ୟୁବରଣ କରିଥିବା ଶିଶୁଟି ନିଜ ମାମୁଁଘରକୁ ଆସିଥିଲେ । ତାଙ୍କ ଘର ଗାଇସିଲେଟ ବ୍ଲକ ନଟପୁର ଗାଁରେ ହୋଇଥିବା ବେଳେ ତାଙ୍କ ପିତାଙ୍କ ନାମ ରାଜେନ୍ଦ୍ର ଦୀପ ବୋଲି ଜଣାପଡିଛି । ରାସ୍ତା କଡରେ ଖେଳୁଥିବା ବେଳେ ଏହି ଟ୍ରକଟି ଶିଶୁ ଉପରେ ମାଡିଯାଇଥିଲା ।