ବରଗଡ : ଭାରତ ଚୀନ ଆକ୍ରମଣକୁ ନେଇ ସାରା ଦେଶରେ ଜଳୁଛି ଅସନ୍ତୋଷର ନିଆଁ । ଗଲୱାନ ଘାଟିରେ ଚୀନ ସୌନ୍ୟଙ୍କ ଆକ୍ରମଣରେ ଭାରତର 20 ଯବାନ ନିହତ ହୋଇଥିଲେ । ଫଳରେ ଚୀନର କାର୍ଯ୍ୟକଳାପକୁ ନିନ୍ଦା କରାଯାଉଛି । ଏ-ନେଇ ବରଗଡର ବରପାଲି ଟେଣ୍ଟ ମାଲିକ ସଂଘ ପକ୍ଷରୁ ମଧ୍ୟ ଚୀନକୁ କଡ଼ା ନିନ୍ଦା କରାଯିବା ସହିତ ଚୀନ ସାମଗ୍ରୀକୁ ବର୍ଜନ କରାଯାଇଛି | ସଂଘ ପକ୍ଷରୁ ଶହୀଦ ଯବାନଙ୍କୁ ଶ୍ରଦ୍ଧାଞ୍ଜଳି ଜଣାଯାଇ ଏକ କେଣ୍ଡେଲ ମାର୍ଚ୍ଚ କରାଯାଇଥିଲା । ବରପାଲି ସହର ପରିକ୍ରମା କରି ସ୍ଥାନୀୟ ଗାନ୍ଧୀ ଛକ ଠାରେ ଶହୀଦ ଯବାନ ମାନଙ୍କୁ ପ୍ରଥମେ ଶ୍ରଦ୍ଧାଞ୍ଜଳି ଦିଆଯାଇ ନୀରବ ପ୍ରାର୍ଥନା କରାଯାଇଥିଲା | ପରେ ଚୀନ ଦେଶର ରାଷ୍ଟ୍ରପତିଙ୍କ ଫଟୋକୁ ପୋଡ଼ାଯାଇ ବିରୋଧ ପ୍ରଦର୍ଶନ କରାଯାଇଥିଲା ।
ସହିଦ ଯବାନଙ୍କୁ ବରପାଲି ଟେଣ୍ଟ ମାଲିକ ସଂଘ ପକ୍ଷରୁ ଶ୍ରଦ୍ଧାଞ୍ଜଳି