ବରଗଡ଼: ରବିବାର ଜିଲ୍ଲାରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ବରଗଡ଼ ଓ ବଲାଙ୍ଗୀର ରାସ୍ତାରେ ଟ୍ରକ ଏବଂ ଟେମ୍ପୋ ମଧ୍ୟରେ ମୁହାଁ ମୁହିଁ ଧକ୍କା ହେବାରୁ ଘଟଣାସ୍ଥଳରେ ହିଁ ଟେମ୍ପୋରେ ଥିବା 3 ଜଣଙ୍କ ମୃତ୍ୟୁ ହୋଇଛି । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଛି ।
ବରଗଡ଼ରେ ମର୍ମନ୍ତୁଦ ସଡ଼କ ଦୁର୍ଘଟଣା, 3 ମୃତ
ମିଳିଥିବା ସୂଚନା ଅନୁଯାୟୀ ଜିଲ୍ଲାର ସରସରା ଛକ ନିକଟରେ ବରଗଡ଼ରୁ ଯାଉଥିବା ଏକ ମାଲବୋଝେଇ ଟ୍ରକ ସହିତ ବଲାଙ୍ଗୀର ପାର୍ଶ୍ବରୁ ଆସୁଥିବା ଟେମ୍ପୋ ସହିତ ମୁହାଁମୁହିଁ ଧକ୍କା ହୋଇଥିଲା । ଫଳରେ ଟେମ୍ପୋରେ ଥିବା 3 ଜଣଙ୍କ ଘଟଣାସ୍ଥଳରେ ହିଁ ମୃତ୍ୟୁ ଘଟିଛି । ସମସ୍ତ ମୃତକମାନେ ବଲାଙ୍ଗୀର ଜିଲ୍ଲାର ବିଭୁତି ପଡ଼ାର ବୋଲି ଜଣାପଡିଥିବା ବେଳେ ସେମାନଙ୍କର ସଠିକ ପରିଚୟ ଏପର୍ଯ୍ଯନ୍ତ ମିଳିପାରିନାହିଁ ।