ବରଗଡ: ଏକା ସଙ୍ଗେ 3000 କଳାକାର ଗାଇଲେ ମା’ କରମଶାନୀଙ୍କ ଗୀତ । ବରଗଡ ଗାଇସିଲେଟ ବ୍ଲକ ଡାଙ୍ଗରଗଡରେ ଏକାଠି ହୋଇ ମା’ଙ୍କ ଗୀତ ଗାଇଲେ କଳାକାର ।
ଗାଇସିଲେଟରେ 3000 କଳାକାର ଏକାଠୀ, ଝାଞ୍ଜ ମୃଦଙ୍ଗ ଧରି ଗାଇଲେ ମା’ କରମଶାନୀଙ୍କ ଗୀତ
ଜିଲ୍ଲା ତଥା ଜିଲ୍ଲା ବାହାରୁ ହଜାର ହଜାର କଳାକାର ସେମାନଙ୍କ ମୃଦଙ୍ଗ, ଗିନି, ଖଞ୍ଜଣି ଆଦି ବାଦ୍ୟ ଯନ୍ତ୍ର ଧରି ଡାଙ୍ଗରଗଡରେ ପହଞ୍ଚିଥିଲେ । ସେଠାରେ ଏକତିତ୍ର ହୋଇ ପ୍ରଥମେ ମା’କରମଶାନୀଙ୍କ ପୂଜାର୍ଚ୍ଚନା କରିଥିଲେ । ପରେ 3000 କଳାକାର ସେଠାରେ ଥିବା ପାହାଡ ଚାରିପଟେ ଘେରି ମା’ କରମଶାନୀଙ୍କ ଗୀତ ଗାଇଥିଲେ । ଆଉ ମା’ଙ୍କ ଗୀତରେ ଅଞ୍ଚଳ ଗୁଞ୍ଜୁରି ଉଠିଥିଲା ।