ବରଗଡ: ରାଷ୍ଟ୍ରୀୟ ମଜଦୁର କଂଗ୍ରେସର ଆହ୍ବାନ କ୍ରମେ ରାଜ୍ୟରେ ବିଦ୍ୟୁତ ଶୁଳ୍କର ବୃଦ୍ଧି, କେନ୍ଦ୍ର ସରକାରଙ୍କ କୃଷି ଉଦ୍ୟୋଗକୁ ଘରୋଇକରଣ ଉଦ୍ୟମ, ଶ୍ରମିକ, କୃଷକ ଓ କର୍ମଚାରୀ ବିରୋଧୀ ନୀତି ବିରୁଦ୍ଧରେ ଆଜି ତୃତୀୟ ଦିବସରେ ରାଜ୍ୟବ୍ୟାପୀ ଆନ୍ଦୋଳନ ହୋଇଥିଲା ।
ବରଗଡ଼ ମଜଦୁର କଂଗ୍ରେସ ପକ୍ଷରୁ ଜିଲ୍ଲାପାଳଙ୍କୁ 22 ଦଫା ଦାବିପତ୍ର ପ୍ରଦାନ
ଏହି 3ୟ ଦିନରେ ବରଗଡ଼ ଜିଲ୍ଲା ମଜଦୁର କଂଗ୍ରେସ ଓ ଯୁବ ମଜଦୁର କଂଗ୍ରେସ ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଲଗାତାର 3 ଦିନ ଧରି ଜିଲ୍ଲାପାଳଙ୍କ ଅଫିସ ଆଗରେ ବିକ୍ଷୋଭ ପ୍ରଦର୍ଶନ କରାଗଲା ପରେ ଆଜି ତୃତୀୟ ଦିନରେ ବରଗଡ଼ ଜିଲ୍ଲାପାଳଙ୍କୁ 22 ଦଫା ଦାବି ନେଇ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରାଯାଇଥିଲା ।