ସଫେଇ କର୍ମଚାରୀଙ୍କୁ ସମ୍ମାନିତ କଲା ବରଗଡ ସମ୍ବିଧାନ ସୁରକ୍ଷା ମଞ୍ଚ

ସଫେଇ କର୍ମଚାରୀଙ୍କୁ ସମ୍ମାନିତ କଲା ବରଗଡ ସମ୍ବିଧାନ ସୁରକ୍ଷା ମଞ୍ଚ । ଫୁଲମାଳ, ମାସ୍କ ଓ ସାନିଟାଇଜର ଦେଇ କଲା ସମ୍ମାନିତ । ଅଧିକ ପଢନ୍ତୁ...

ବରଗଡ: କୋରୋନା ମହାମାରୀରେ ଯୋଦ୍ଧା ଭାବରେ କାମ କରୁଥିବା ସଫେଇ କର୍ମଚାରୀ ମାନଙ୍କୁ ବରଗଡ ସମ୍ବିଧାନ ସୁରକ୍ଷା ମଞ୍ଚ ପକ୍ଷରୁ ସମ୍ମାନିତ କରାଯାଇଛି । ସଫେଇ କର୍ମଚାରୀ ମାନେ ପରିବେଶକୁ ସଫାସୁତୁରା ରଖିବା ସହିତ ନିଜ ଜୀବନକୁ ମଧ୍ୟ ଖାତିର ନକରି ସଂକ୍ରମିତ ଅଞ୍ଚଳ, କ୍ବାରେଣ୍ଟାଇନ ସେଣ୍ଟର, କଣ୍ଟେନମେଣ୍ଟ ଜୋନ ଅଞ୍ଚଳକୁ ଯାଇ ସଫେଇ କାମ ଜାରି ରଖିଛନ୍ତି |

ଏପରି ମହାମାରୀ ସମୟରେ ଲୋକେ ଭୟଭୀତ ହୋଇ ଘରେ ରହୁଥିବା ବେଳେ କିନ୍ତୁ ସଫେଇ କର୍ମଚାରୀ ମାନେ ନିଜର କର୍ତ୍ତବ୍ୟ ନିରବଚ୍ଛିନ୍ନ ଭାବରେ କରୁଛନ୍ତି | ତେବେ ସମ୍ବିଧାନ ସୁରକ୍ଷା ମଞ୍ଚ ଏପରି ଯୋଦ୍ଧାଙ୍କୁ ଫୁଲମାଳ, ମାସ୍କ ଓ ସାନିଟାଇଜର ଦେଇ ସମ୍ମାନିତ କରିଛନ୍ତି ।

ବରଗଡରୁ ରାଜେସ ସରାପ, ଇଟିଭି ଭାରତ