ବରଗଡ଼: ଟାଉନ ଥାନା ପୋଲିସ ବିରୁଦ୍ଧରେ ହାଜତ ମୃତ୍ୟୁ ଅଭିଯୋଗ ଆଣିଲେ ତୋରା ଗ୍ରାମବାସୀ । ରାତିରେ ଉଠାଇ ନେଥିବା ଯୁବକର ସକାଳେ କିପରି ମୃତ୍ୟୁ ହେଲା ଗ୍ରାମବାସୀ ପ୍ରଶ୍ନ କରିଛନ୍ତି ।
ବରଗଡ଼ ଟାଉନ ଥାନାରେ ଯୁବକଙ୍କ ମୃତ୍ୟୁ, ମୁଖ୍ୟ ଚିକିତ୍ସାଳୟରେ ଉତ୍ତେଜନା
ସୂଚନା ଅନୁଯାୟୀ ଗତକାଲି(ଶୁକ୍ରବାର) ଟାଉନ ପୋଲିସ ତୋରା ଗ୍ରାମର 25 ବର୍ଷୀୟ ଯୁବକ ଗୋବିନ୍ଦ କୁମ୍ଭାରକୁ କୌଣସି କାରଣରୁ ରାତି 2ଟାରେ ଘରୁ ଉଠାଇ ଆଣିଲା । ମାତ୍ର ଆଜି(ଶନିବାର) ସକାଳେ ଯୁବକଙ୍କର ମୃତ୍ୟୁ ହୋଇଯାଇଥିବା ନେଇ ପରିବାର ଲୋକଙ୍କୁ ଟାଉନ ପୋଲିସ ଖବର ଦେଇଥିଲା । ଏହାକୁ ନେଇ ଗ୍ରାମବାସୀଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି ।