ବରଗଡ:ଜିଲ୍ଲାର ବରପାଲି ବ୍ଲକ ବାରଗୁଡା ଗ୍ରାମରେ ଦ୍ଵିତୀୟ କୋରୋନା ସଂକ୍ରମିତ ଚିହ୍ନଟ ହେବାପରେ ବରଗଡ ଜିଲ୍ଲାପାଳ ଜ୍ୟୋତିରଞ୍ଜନ ପ୍ରଧାନ ସମ୍ପୃକ୍ତ ଅଞ୍ଚଳକୁ ଅବରୋଧ ଅଞ୍ଚଳ ଭାବରେ ଘୋଷଣା କରିଛନ୍ତି । ଆଖପାଖ ଗ୍ରାମ ଗୁଡିକୁ ବଫର ଜୋନ ଭାବରେ ମଧ୍ୟ ଘୋଷଣା କରାଯାଇଛି ।
ବରଗଡରେ ଦ୍ଵିତୀୟ ସଂକ୍ରମିତ ଚିହ୍ନଟ
ବାରଗୁଡା ସଙ୍ଗରୋଧ କେନ୍ଦ୍ରରେ ରହିଥିବା ମହାରାଷ୍ଟ୍ର ଫେରନ୍ତା ଜଣେ ବ୍ୟକ୍ତିର ସ୍ଵାବ ଟେଷ୍ଟ ରିପୋର୍ଟ ପଜିଟିଭ ଆସିବା ପରେ ସତଲମା, ମହଦା ଓ ଖେମେସରା ଆଦି ଗ୍ରାମକୁ ବଫର ଜୋନ ଭାବରେ ଘୋଷଣା କରାଯାଇଛି ଏବଂ ପୋଲିସ ପ୍ରଶାସନ ସେହି ଅଞ୍ଚଳକୁ ନଜର ରଖିଥିବା ବେଳେ ସ୍ୱାସ୍ଥ୍ୟ ବିଭାଗ ପକ୍ଷରୁ ଘରକୁ ଘର ଯାଇ ସର୍ଭେ ଚାଲିଛି । ସଂକ୍ରମିତ ଲୋକ କାହା କାହା ସହିତ କଣ୍ଟାକ୍ଟରେ ଆସିଛନ୍ତି ସେନେଇ ଟ୍ରେସିଙ୍ଗ ମଧ୍ୟ ଜାରିରହିଛି ।