ବରଗଡ: ମହାମାରୀ କୋରୋନା ପାଇଁ ଦୀର୍ଘ 9 ମାସ ହେଲା ବନ୍ଦ ଥିଲା ସମସ୍ତ ସ୍କୁଲ ଓ କଲେଜ । ତେବେ ଆଜି(ଶୁକ୍ରବାର) ଦଶମ ଓ ଦ୍ଵାଦଶ ଶ୍ରେଣୀର ସମସ୍ତ ସ୍କୁଲ ଓ କଲେଜ ଖୋଲିଥିଲା । ସମସ୍ତ ସ୍କୁଲ ଓ କଲେଜ ମାନଙ୍କରେ ସତର୍କତା ଅବଲମ୍ବନ କରାଯାଇ ବିନା ପ୍ରାର୍ଥନାରେ ଆଜି ସ୍କୁଲରେ ପ୍ରଥମ ଦିନ ପାଠ ପଢାଯାଇଥିଲା ।
କୋରୋନା କଟକଣା ମଧ୍ୟରେ ଖୋଲିଲା ସ୍କୁଲ-କଲେଜ, ଉତ୍ସାହିତ ଛାତ୍ରଛାତ୍ରୀ
ଅଭିଭାବକମାନଙ୍କର ସହମତିରେ ଆଜି ସ୍କୁଲ ଓ କଲେଜମାନଙ୍କୁ ପିଲାମାନେ ପାଠ ପଢିବାକୁ ପହଞ୍ଚିଥିଲେ । ଅଭିଭାବକ ଓ ଛାତ୍ର ଛାତ୍ରୀମାନଙ୍କ ମନରେ ସଂକ୍ରମଣର ଭୟ ରହିଥିଲେ ମଧ୍ୟ ଆଜି ପ୍ରଥମ ଦିନରେ ବହୁ ଛାତ୍ରଛାତ୍ରୀ ସ୍କୁଲମାନଙ୍କୁ ଆସି ପହଞ୍ଚିଥିଲେ ।