ବରଗଡ: ଜିଲ୍ଲାର ବରତୁଣ୍ଡାରେ ଚାଷୀଙ୍କ ରାସ୍ତାରୋକ ସହ ଆନ୍ଦୋଳନ ଯୋଗୁଁ ଶୁକ୍ରବାର ସକାଳୁ ପାଇକମାଳ - ନୂଆପଡ଼ା ଜାତୀୟ ରାଜପଥରେ ଯାନବାହାନ ଚଳାଚଳ ସମ୍ପୂର୍ଣ୍ଣ ବନ୍ଦ ହୋଇପଡିଥିଲା | ବରତୁଣ୍ଡା ବଜାର ପ୍ରାଙ୍ଗଣ ଧାନମଣ୍ଡିରେ ଧାନ ବିକ୍ରି କରିପାରି ନ ଥିବାନେଇ ଚାଷୀ ମାନେ ରାସ୍ତା ରୋକ କରିଥିବା ବେଳେ ଚାଷୀଙ୍କ ଏହି ଆନ୍ଦୋଳନକୁ ସମର୍ଥନ ଜଣାଇଥିଲା ମାଣ୍ଡୋଶୀଳ ଆଞ୍ଚଳିକ କୃଷକ ସଂଗଠନ ।
ଭାଙ୍ଗିଲା ଚାଷୀଙ୍କ ଧୈର୍ଯ୍ୟ; ଧାନ ବିକ୍ରିନହେବାରୁ ରାସ୍ତାରୋକ
ପାଇକମାଳ ବ୍ଲକ ଅନ୍ତର୍ଗତ ଜାମସେଠ୍ ସମବାୟ ସମିତିର ବରତୁଣ୍ଡା ଧାନ ମଣ୍ଡିରେ ଚାଷୀ ମାନେ ଧାନ ବିକ୍ରି ପାଇଁ ଧାନ ପକାଇ ରଖିଥିଲେ । କିନ୍ତୁ ଟୋକନର ଅବ୍ୟବସ୍ଥା ଯୋଗୁଁ ଆଜି ପର୍ଯ୍ୟନ୍ତ ଚାଷୀ ମାନେ ଧାନ ବିକ୍ରିରୁ ବଞ୍ଚିତ ହୋଇଛନ୍ତି । ଯାହାକୁ ନେଇ ଚାଷୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି ।