ବରଗଡ଼: ବରପାଲି ବ୍ଲକ ମହଦା କେନାଲ ଛକରେ ଘଟି ଯାଇଛି ଏକ ଅଭାବନୀୟ ଦୁର୍ଘଟଣା । ଗଛକୁ ଡମ୍ଫର ଧକ୍କା ଦେବାରୁ ଗଛ ଡାଳ ଭାଙ୍ଗି ରାସ୍ତାରେ ଯାଉଥିବା ବାଇକ ଆରୋହୀଙ୍କ ଉପରେ ପଡିବାରୁ ଦୁଇ ବାଇକ ଆରୋହୀ ମୃତ ।
ସୂଚନା ଅନୁସାରେ ଏକ ଡମ୍ଫର ଗାଡି କୌଣସି ଏକ କାର୍ଯ୍ୟରେ ବରପାଲି କେନାଲ ଛକ୍ ଦେଇ ଭଟିଗାଁ-ମହଦା କେନାଲ ଛକ ଆଡ଼କୁ ଯାଉଥିଲା । ଡମ୍ଫର ଗାଡି ପଛରେ ଦୁଇ ଯୁବକ ଏକ ବାଇକରେ ଯାଉଥିଲେ । ତେବେ ହଠାତ୍ ଡମ୍ଫର ଗାଡିଟି ରାସ୍ତା କଡରେ ଥିବା ଏକ ଗଛକୁ ଧକ୍କା ଦେଇଥିଲା, ଫଳରେ ଗଛର ଡାଳ ଭାଙ୍ଗିଯାଇ ବାଇକ ଉପରେ ଯାଉଥିବା ଯୁବକ ଦ୍ୱୟଙ୍କ ଉପରେ ପଡିଥିଲା । ଫଳରେ ଘଟଣାସ୍ଥଳରେ ଯୁବକଙ୍କ ମୃତ୍ୟୁ ହୋଇଥିଲା ।