ବରଗଡ: ଜିଲ୍ଲାରେ ଜଣେ ମନ୍ଦିର ଭରୁଆ(ପୂଜକ) ମହିଳାଙ୍କ ସହ ଦୁଷ୍କର୍ମ କରିଥିବା କରିଥିବା ଅଭିଯୋଗରେ ଭଟଲି ଥାନା ପୋଲିସ ଅଭିଯୁକ୍ତ ବିଜୟ ନାଏକଙ୍କୁ ଗିରଫ କରିଥିଲା । ତେବେ ପୂଜକଙ୍କ ବିରୋଧରେ ମିଥ୍ୟାରୋପ କରାଯାଇଥିବା ଅଭିଯୋଗ କରି ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିଛନ୍ତି କର୍ଲାଜୁରି ଗ୍ରାମବାସୀ ।
ଦୁଷ୍କର୍ମ ଅଭିଯୋଗରେ ମନ୍ଦିର ପୂଜକ ଗିରଫ ପ୍ରତିବାଦରେ ଜିଲ୍ଲପାଳଙ୍କ କାର୍ଯ୍ୟାଳୟ ଘେରାଉ
ସୂଚନାଅନୁସାରେ, ବରଗଡ ଜିଲ୍ଲା ଭଟଲି ଥାନା ଅଞ୍ଚଳର ଜଣେ ବିବାହିତା ମହିଳାଙ୍କ ଦେହ ଅସୁସ୍ଥ ହେବାରୁ ତାଙ୍କୁ କେହି ଗୁଣି କରିଥିବା ନେଇ ପରିବାର ଲୋକେ ଆଶଙ୍କା କରିଥିଲେ । ମହିଳାଙ୍କୁ ଗୁଣି ସନ୍ଦେହରେ ପରିବାର ଲୋକେ କର୍ଲାଜୁରୀ ଗାଁର ସାଧକ ତଥା ଦେବୀ ମନ୍ଦିର ପୂଜକ ବିଜୟ ନାୟକଙ୍କ ପାଖକୁ ନେଇଥିଲେ । ଗତ 10 ଜୁଲାଇରେ କମଗାଁ ମନ୍ଦିରର ବରୁଆଙ୍କ ବିରୋଧରେ ଜଣେ ମହିଳା ଦୁଷ୍କର୍ମ ଅଭିଯୋଗ ଆଣିଥିଲେ । ତେବେ ଭଟଲି ପୋଲିସ ଘଟଣାର ତଦନ୍ତ କରିବା ପରେ ବରୁଆ ବିଜୟ ନାଏକଙ୍କୁ ଗିରଫ କରି କୋର୍ଟକୁ ଚାଲାଣ କରିଥିଲା ।