ଭୁବନେଶ୍ବର: ଧାମନଗରରେ ଫେଲ ମାରିଥିବା ବିଜେଡି ଲାଗି ପଦ୍ମପୁରରେ ହେବ ଏସିଡ ଟେଷ୍ଟ । ଏନେଇ ଶକ୍ତି ଗୋଟାଉଛି ବିଜେଡି । ବିଜେପି ଛାଡ଼ି ଦଳରେ ସାମିଲ ହୋଇଥିବା ବିଜେପି ନେତା ରାଜୁ ଘିବେଲାଙ୍କୁ ଗୁରୁତ୍ୱପୂର୍ଣ୍ଣ ଦାୟିତ୍ୱ ଦେଇଛି ବିଜେଡି । ରାଜୁଙ୍କୁ ରାଜ୍ୟ ସମ୍ପାଦକ ଭାବେ ଦାୟିତ୍ୱ ଦେଇଛି ଦଳ ।
ପଦ୍ମପୁର ଉପ ନିର୍ବାଚନ ପୂର୍ବରୁ ବରଗଡ଼ ରାଜନୀତି ହଲଚଲ । ଗତ 9 ତାରିଖରେ ବିଜେଡିରେ ସାମିଲ ହୋଇଥିବା ରାଜୁ ଘିବେଲାଙ୍କୁ ରାଜ୍ୟ ସମ୍ପାଦକ କରିଛି ବିଜେଡି । ଦଳର ସୁପ୍ରିମୋ ନବୀନ ପଟ୍ଟନାୟକ ତାଙ୍କୁ ସମ୍ପାଦକ ଦାୟିତ୍ୱ ଦେଇଥିବା ଦଳ ପକ୍ଷରୁ ସୂଚନା ଦିଆଯାଇଛି । ରାଜୁ ଦୃଢ଼ ସଙ୍ଗଠକ ହୋଇଥିବାବେଳେ ପଦ୍ମପୁର ଅଞ୍ଚଳରେ ତାଙ୍କ ଭଲ ଜନ ସମର୍ଥନ ରହିଛି ।