ବରଗଡ: ଜନସାଧାରଣଙ୍କ ବିନା ଅବଗତରେ ବରଗଡ ଟାଉନରେ ଥିବା ପୁରୁଣା ହସ୍ପିଟାଲକୁ ସଟଡାଉନ କରିଦିଆଯାଇଛି । ଯାହାକୁ ନେଇ ବରଗଡବାସୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ହସ୍ପିଟାଲରେ ଅଧିକାଂଶ କର୍ମଚାରୀ କୋରୋନା ସଂକ୍ରମିତ ହେବା ପରେ ଜିଲ୍ଲାପାଳ ଜ୍ୟୋତିରଞ୍ଜନ ପ୍ରଧାନ ହସ୍ପିଟାଲକୁ 3 ଦିନ ପାଇଁ ସଟଡାଉନ ଘୋଷଣା କରିଛନ୍ତି ।
ଡାକ୍ତରଖାନାକୁ ଅଘୋଷିତ ସଟଡ଼ାଉନକୁ ବିରୋଧ
ଏପରି ସ୍ଥିତିରେ ସ୍ଥାନୀୟ ଲୋକେ ହସ୍ପିଟାଲକୁ ସାନିଟାଇଜ କରିବା ସହ ଅନ୍ୟତ୍ର ଡାକ୍ତରଙ୍କୁ ଆସି ଏଠାରେ ଚିକିତ୍ସା କରିବାକୁ ଦାବି କରିଛନ୍ତି । ହସ୍ପିଟାଲ ସଟଡାଉନକୁ ସଂପୂର୍ଣ୍ଣ ବିରୋଧ କରିଛନ୍ତି । ବରଗଡ ଟାଉନ ଭିତରେ ରହିଥିବା ପୁରୁଣା ହସ୍ପିଟାଲରେ କୋଭିଡ ପରୀକ୍ଷା ଆରମ୍ଭ କରାଯାଇଥିଲା ଯାହାକୁ ସ୍ଥାନୀୟ ଲୋକେ ପ୍ରବଳ ବିରୋଧ କରିଥିଲେ ।