ବରଗଡ଼: କୋରୋନା ମହାମାରୀ ଯେଉଁ ପ୍ରକାର ବ୍ୟାପିବାରେ ଲାଗିଛି ଏହାର ସଂକ୍ରମଣକୁ ରୋକିବା ନେଇ ସମସ୍ତେ ସଚେତନ ଓ ସତର୍କ ରହିଛନ୍ତି । ମାତ୍ର ବରଗଡ଼ ଜିଲ୍ଲାରେ ରୋଗୀମାନେ ରକ୍ତ ପରୀକ୍ଷା ପାଇଁ ଯାଉଥିବା ପାଥୋଲ୍ୟାବ କେତେ ସୁରକ୍ଷିତ ତାକୁ ନେଇ ଏବେ ପ୍ରଶ୍ନ ଉଠିଛି ।
ବରଗଡ଼ ସହରର ସମସ୍ତ ପାଥୋଲ୍ୟାବରେ ରୋଗୀଙ୍କ ଠାରୁ ରକ୍ତ ନମୁନା ସଂଗ୍ରହ କରିବା ସମୟରେ ରୋଗୀ ମାନଙ୍କ ହାତରେ ବନ୍ଧା ଯାଉଥିବା ସେହି ଗୋଟିଏ ଫିତା ସମସ୍ତ ରୋଗୀଙ୍କୁ ବନ୍ଧା ଯାଉଛି ଏବଂ ରକ୍ତ ନମୁନା ସଂଗ୍ରହ କରାଯାଉଛି । ଯଦି ଅଜାଣତରେ କେଉଁ କୋରୋନା ସଂକ୍ରମିତ ବ୍ୟକ୍ତିଙ୍କ ଦେହରେ ବନ୍ଧା ଯାଉଥିବା ଫିତା ଅନ୍ୟ କୌଣସି ମଧୁମେହ ରୋଗୀ କିମ୍ବା ଅନ୍ୟ ରୋଗୀ ଦେହରେ ପୁଣି ବ୍ୟବହାର କରାଯାଉଛି, ତେବେ ସମସ୍ତଙ୍କୁ କୋରୋନା ସଂକ୍ରମଣ ହେବାର ସମ୍ଭାବନା ରହିଛି । ତେବେ ପାଥୋଲ୍ୟାବ ଗୁଡ଼ିକ ଏହି ଦିଗରେ ଯତ୍ନବାନ ହେବା ଜରୁରୀ ହୋଇପଡ଼ିଛି ।
ବରଗଡ଼ରୁ ରାଜେଶ ସରାପ, ଇଟଭି ଭାରତ
