ମର୍ମନ୍ତୁଦ ସଡକ ଦୁର୍ଘଟଣା, ଟ୍ରକ ତଳେ ଚାପି ହୋଇ ବାଇକ ଆରୋହୀ ମୃତ

ବରଗଡ ଅତାବିରାଠାରେ ମର୍ମନ୍ତୁଦ ସଡକ ଦୁର୍ଘଟଣା । ଟ୍ରକ ତଳେ ଚାପି ହୋଇ ଚାଲିଗଲା ବାଇକ ଆରୋହୀଙ୍କ ଜୀବନ । ଅଧିକ ପଢନ୍ତୁ...

ବରଗଡ: ଜିଲ୍ଲା ଅତାବିରାଠାରେ ମର୍ମନ୍ତୁଦ ସଡକ ଦୁର୍ଘଟଣା । ଟ୍ରକ ସହ ଧକ୍କା ହେଲା ବାଇକ । ଘଟଣାସ୍ଥଳରେ ଜଣେ ବାଇକ ଆରୋହୀଙ୍କ ମୃତ୍ୟୁ । ମୃତକଙ୍କ ପରିଚୟ ଏ ଯାଏଁ ମିଳିପାରି ନଥିବାବେଳେ ଦୁର୍ଘଟଣାଗ୍ରସ୍ତ OD 23 F 5537 ନମ୍ବରର ଗାଡିଟି ଝାରସୁଗୁଡ଼ାର ସୂର୍ଯ୍ୟକାନ୍ତ ମେହେରଙ୍କ ନାମରେ ଥିବା ଜଣାପଡ଼ିଛି ।

ସୂଚନା ଅନୁଯାୟୀ, ସମ୍ବଲପୁରରୁ ବରଗଡ଼ ଅଭିମୁଖେ ବାଇକ ଆରୋହୀ ଜଣକ ଆସୁଥିଲେ । ଏହି ସମୟରେ ହଠାତ୍ ସମାନ ଦିଗରେ ଆସୁଥିବା ଏକ ଟ୍ରକ ସହ ଧକ୍କା ହୋଇଥିଲେ ଏବଂ ଟ୍ରକ ଚକ ତଳେ ଚାପି ହୋଇଯାଇଥିଲେ । ଫଳରେ ଘଟଣାସ୍ଥଳରେ ହିଁ ବାଇକ ଆରୋହୀଙ୍କ ମୃତ୍ୟୁ ହୋଇଛି । ଅତାବିରା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । ଘଟଣାରେ ତଦନ୍ତ ଆରମ୍ଭ ହୋଇଛି ।

ବରଗଡରୁ ରାଜେଶ ସରାପ୍, ଇଟିଭି ଭାରତ