ବରଗଡ: ଚଳିତ ଖରିବ ଋତୁର ଧାନ ସଂଗ୍ରହ ପ୍ରକ୍ରିୟା ଚାଲିଥିବା ବେଳେ କେତେକ ସ୍ଥାନରେ ଆଜିଯାଏଁ ମଣ୍ଡି ଖୋଲାଯାଇ ନ ଥିବାରୁ ଚାଷୀମାନେ ଅମଳ ଧାନ ବିକ୍ରି କରିପାରୁନାହାନ୍ତି । ଫଳରେ ଏହାକୁ ନେଇ ଚାଷୀ ଅସନ୍ତୋଷ ବଢିବାକୁ ଲାଗିଛି | ତେଣୁ ଏନେଇ ଗତ ମଙ୍ଗଳବାର ବରଗଡ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ଖରମୁଣ୍ଡା,ବୈରଖପାଳି ପଞ୍ଚାୟତ ଏବଂ ଗଣ୍ଡପାଳି , ସୋହେଲା ବ୍ଲକ ଅଧିନସ୍ଥ ଶ୍ରୀଗିଡା ଗ୍ରାମର ଚାଷୀମାନେ ବରଗଡ ଜିଲ୍ଲାପାଳଙ୍କ ନିକଟରେ ମଣ୍ଡି ଖୋଲିବା ନେଇ ଦାବି କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ବରଗଡ
ବିଜେପୁର ଅଞ୍ଚଳର ଚାଷୀମାନେ ମୁଖ୍ୟତଃ ବଡ ବାଉସେନ ପ୍ରାଥମିକ କୃଷି ସମବାୟ ସମିତି ଅଧିନସ୍ଥ ଅରଡା ମାର୍କେଟ ୟାର୍ଡ଼ ଉପରେ ନିର୍ଭର କରୁଥିବା ବେଳେ ଉକ୍ତ ଧାନ ମଣ୍ଡିଟି ପଞ୍ଚାୟତ ଠାରୁ ପ୍ରାୟ ୧୫ କିଲୋମିଟର ଦୂରରେ ରହିଛି । ଯାହାଫଳରେ ସେଠାକୁ ଧାନ ନେବାରେ ଚାଷୀମାନଙ୍କୁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡୁଛି |