ବରଗଡ: ବିଜେପୁର ବିଧାନସଭା ଆସନ ପାଇଁ ଉପନିର୍ବାଚନର ମତଦାନ ପ୍ରକ୍ରିୟା ଆରମ୍ଭ ହେବାକୁ ଆଉ କିଛି ଘଣ୍ଟା ବାକି ରହିଛି । ଏହା ପୂର୍ବରୁ ସକାଳ 6ଟାରୁ ଆରମ୍ଭ ହୋଇଯାଇଛି ମକପୋଲ । ଏହି ବିଧାନସଭା କ୍ଷେତ୍ରରେ ରହିଥିବା 285ଟି ବୁଥରେ ମକପୋଲ ହୋଇଛି । ମକପୋଲରେ ଇଭିଏମ ଓ ଭିଭିପାଟ ମେସିନ ସଠିକ ଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ସକାଳ 7ଟାରେ ଭୋଟ ଗ୍ରହଣ ହେବାକୁ ଥିବା ବେଳେ ବିଜେପୁରବାସୀ ମଧ୍ୟ ନିଜ ନିଜର ମତଦାନ ପାଇଁ ଉତ୍ସାହିତ ରହିଛନ୍ତି । ବିଜେପୁର ନିର୍ବାଚନ ମଣ୍ଡଳୀରେ ସମୁଦାୟ 2 ଲକ୍ଷ 32 ହଜାର 264 ଭୋଟର ରହିଥିବା ବେଳେ ସେଥିମଧ୍ୟରୁ 1 ଲକ୍ଷ 20 ହଜାର 135 ପୁରୁଷ ଭୋଟର ଏବଂ 1 ଲକ୍ଷ 12 ହଜାର 114 ମହିଳା ଭୋଟର ରହିଛନ୍ତି ।