ନିଖୋଜ ନାବାଳିକାର ମୃତଦେହ ଜଙ୍ଗଲରୁ ଉଦ୍ଧାର, ତଦନ୍ତ ଜାରି

ନାବାଳିକାର ରକ୍ତାକ୍ତ ମୃତଦେହ ଉଦ୍ଧାର । ରବିବାର ଠାରୁ ନାବାଳିକା ଜଣକ ନିଖୋଜ ଥିବା ବେଳେ ଜଙ୍ଗଲ ଭିତରୁ କ୍ଷତାକ୍ତ ମୃତଦେହ ଉଦ୍ଧାର କରାଯାଇଛି। ଅଧିକ ପଢନ୍ତୁ...

ବରଗଡ଼: ନିଖୋଜ ନାବାଳିକାର ରକ୍ତାକ୍ତ ମୃତଦେହ ଉଦ୍ଧାର । ରବିବାର ଠାରୁ ନାବାଳିକା ଜଣକ ନିଖୋଜ ଥିବା ବେଳେ ତାଙ୍କ ବାପା ଥାନାରେ ଏତଲା ଦେଇଥିଲେ। ଖୋଜାଖୋଜି ପରେ ସୋମବାର ନିଖୋଜ ନାବାଳିକାଙ୍କ ମୃତଦେହ ଜଙ୍ଗଲ ଭିତରୁ ଉଦ୍ଧାର କରାଯାଇଛି।

ସୂଚନା ଅନୁଯାୟୀ ବରଗଡ ଜିଲ୍ଲା ଅନ୍ତର୍ଗତ ପାଇକମାଲ ବ୍ଲକ ଭୁବନେଶ୍ୱରପୁର ପଞ୍ଚାୟତର ଯୋଗେନ୍ଦ୍ର ନାଥପୁରର ଜଣେ 9 ବର୍ଷର ଝିଅ ସନ୍ଧ୍ୟା ପ୍ରାୟ ଚାରିଟାରୁ ଘରୁ କୁଆଡେ ନିଖୋଜ ହୋଇଯାଇଥିଲା। ଝିଅକୁ ପାଇନଥିଲେ ପରିବାର ଲୋକେ | ଶେଷରେ ନିଖୋଜ ଝିଅର ବାପା ପାଇକମାଳ ଥାନାରେ ଅଭିଯୋଗ କରିଥିଲେ।

କିନ୍ତୁ ଯୋଗେନ୍ଦ୍ରପୁର ର ଜଙ୍ଗଲ ଭିତରେ କିଛି ଲୋକେ ଜଙ୍ଗଲ ଭିତରେ ପଡିରହିଥିବା ଏକ ଝିଅର ରକ୍ତାକ୍ତ ଶବ ଦେଖିବାକୁ ପାଇଥିଲେ। ସେମାନେ ସଙ୍ଗେ ସଙ୍ଗେ ପାଇକମାଲ ଥାନାକୁ ସୂଚନା ଦେଇଥିଲେ । ପରେ ଘଟଣା ସ୍ଥଳକୁ ପାଇକମାଲ ଥାନା ଅଧିକାରୀ ପହଁଞ୍ଚି ତଦନ୍ତ କରିଥିଲେ ।

ତେବେ ମୃତ ନାବାଳିକାଙ୍କ ଶରୀରର ମୁଣ୍ଡ, ହାତ ଆଙ୍ଗୁଳି ସହିତ ବିଭିନ୍ନ ସ୍ଥାନରେ କ୍ଷତ ଚିହ୍ନ ରହିଛି। ସେହିପରି ତାଙ୍କ ଓଢଣୀ ଗଳାରେ ଲାଖି ରହିଥିଲା। ତେବେ କିଏ ଓ କାହିଁକି କୁନି ଝିଅକୁ ହତ୍ୟା କରିଛି ତାହାର ତଦନ୍ତ ପାଇଁ ବରଗଡ ଏସପି ଏବଂ ସମ୍ବଲପୁର ଡିଆଇଡି ପହଞ୍ଚି ତଦନ୍ତ ଚଳାଇଛନ୍ତି |

ବରଗଡରୁ ରାଜେସ ସରାପ,ଇଟିଭି ଭାରତ