ବରଗଡ: ଭାତହାଣ୍ଡି କୁହାଯାଉଥିବା ବରଗଡ ଜିଲ୍ଲାରେ ଦେଖିବାକୁ ମିଳିଛି ଦେଶୀୟ ପକ୍ଷୀଙ୍କ ଆସର । ପକ୍ଷୀଙ୍କ କୋଳାହଳରେ ପୁରି ଉଠୁଛି ଗାଁ । ଜଙ୍ଗଲ ଲତା ଯେଉଁ ଆଡେ ଚାହିଁ ଦେଲେ ଖାଲି ଦେଶୀୟ ପକ୍ଷୀଙ୍କ ରାବ । ପ୍ରତ୍ୟେକ ବର୍ଷ ଅକ୍ଷୟ ତୃତୀୟା ହେଲେ ଗାଁ କାହିଁ କେଉଁ ଆଡୁ ଚାଲି ଆସନ୍ତି ଏମାନେ । ଦୀପାବଳୀ ସରିଲେ ନିଜ ପିଲା ଛୁଆଙ୍କୁ ଧରି ଫେରି ଯାଆନ୍ତି ନିଜ ସ୍ଥାନକୁ ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ତେବେ ଅକ୍ଷୟତୃତୀୟା ଠାରୁ ଆରମ୍ଭ କରି ଦୀପାବଳୀ ପର୍ଯ୍ୟନ୍ତ ଏହି ବିଦେଶୀ ପକ୍ଷୀମାନେ ବରଗଡ଼ର ବିଭିନ୍ନ ଗାଁ ଗୁଡ଼ିକରେ ରହିଥାନ୍ତି । ଏହି ସମୟ ମଧ୍ୟରେ ପକ୍ଷୀମାନେ ଅଣ୍ଡାଦେଇ ସେଥିରୁ ଛୁଆ ଜନ୍ମକରିବା ପରେ ତାଙ୍କୁ ଉଡ଼ିବା ଶିଖାଇଥାନ୍ତି ଓ ପରେ ନିଜ ଘରକୁ ଫେରି ଯାଆନ୍ତି । ବିଶେଷ କରି କୁର୍ଲାଜୁରୀ, ଅନ୍ତପାଲି, ବାଲିଜୋରୀ, କେନ୍ଦମୁଣ୍ଡି ଗାଁ ଗୁଡିକରେ ପକ୍ଷୀଙ୍କ ଆସର ଦେଖିବାକୁ ମିଳେ ।