ବରଗଡ:ଜିଲ୍ଲା ପୋଲିସକୁ ମିଳିଛି ଆଉ ଏକ ବଡ ସଫଳତା । ପ୍ରାୟ 10 ଲକ୍ଷରୁ ଉର୍ଦ୍ଧ୍ବ ମୂଲ୍ୟର ଗଞ୍ଜେଇ ଜବଦ କରିବା ସହ 3 ଜଣଙ୍କୁ ଗିରଫ କରିବାରେ ସଫଳ ହୋଇଛି ବିଜେପୁର ପୋଲିସ । ବେଆଇନ ଗଞ୍ଜେଇ ଚୋରାଚାଲାଣ କରାଯାଉଥିବା ସମୟରେ ଖବରପାଇ ବିଜେପୁର ପୋଲିସ 193 କିଲୋଗ୍ରାମ ଗଞ୍ଜେଇ ଜବତ କରିଥିବାବେଳେ 3 ଜଣ ବ୍ୟାପାରୀଙ୍କୁ ଗିରଫ କରିଛି ।
ଲକ୍ଷାଧିକ ଟଙ୍କାର ଗଞ୍ଜେଇ ଜବତ, ୩ ଗିରଫ
ସୂଚନାନୁଯାୟୀ ବ୍ୟାପକ ପରିମାଣରେ ଗଞ୍ଜେଇ ଆସୁଥିବା ନେଇ ବିଶ୍ବସ୍ତ ସୂତ୍ରରୁ ବିଜେପୁର ପୋଲିସ ଖବର ପାଇବା ପରେ ପୋଲିସ ଆକ୍ରମଣାତ୍ମକ ମୋଡରେ ରହିଥିଲା ଏବଂ ଚାରିଆଡେ ନାକାବନ୍ଦୀ କରାଯାଇଥିଲା । ଘଟଣାସ୍ଥଳରେ ୨ କାର ସାହାଯ୍ୟରେ 193 କିଲୋଗ୍ରାମ ଗଞ୍ଜେଇ ଭର୍ତ୍ତି ହୋଇ ଯାଉଥିବା ବେଳେ ପୋଲିସର ଚଢାଉ କରି ଜବତ କରିଛି । ଏବଂ ଉଭୟ ଗାଡିରେ 4 ଜଣଙ୍କ ମଧ୍ୟରୁ 3 ଜଣଙ୍କୁ ପୋଲିସ କାବୁ କରିବାରେ ସଫଳ ହୋଇଥିବା ବେଳେ ଏବଂ ଅନ୍ୟ ଜଣେ ଅଭିଯୁକ୍ତ ଫେରାର ହୋଇଯାଇଥିବା ନେଇ ସୂଚନା ମିଳିଛି ।