ବରଗଡ଼: ଆସନ୍ତା ଡିସେମ୍ବର 31 ତାରିଖରୁ ଆରମ୍ଭ ହେବାକୁ ଯାଉଛି ବରଗଡର ବିଶ୍ଵପ୍ରସିଦ୍ଧ ଧନୁଯାତ୍ରା । ଏଥିପାଇଁ ସମସ୍ତ ପ୍ରକାରର ପ୍ରସ୍ତୁତି ଆରମ୍ଭ ହୋଇଯାଇଥିବା ବେଳେ ଆଜି ଗୋପପୁରରେ ଆରମ୍ଭ ହୋଇଯାଇଛି ବାଲ୍ୟ କଳାକାରମାନଙ୍କ ଅଭ୍ୟାସ। ଗୋପପୁରରେ କୃଷ୍ଣ, ବଳରାମ, ରାଧା ଓ ଗୋପୀ ଗୋପାଙ୍ଗ ଭୂମିକାରେ ଅଭିନୟ କରୁଥିବା ଶିଶୁ କଳାକାରମାନଙ୍କୁ ପ୍ରଶିକ୍ଷଣ ଦେବାର ଆରମ୍ଭ କରିଦେଇଛନ୍ତି ଗୁରୁ ପଞ୍ଚାନନ ବିର୍ତ୍ତିଆ।
ଗୋପପୁରରେ ଶିଶୁ କଳାକାରଙ୍କ ପ୍ରଶିକ୍ଷଣ ଆରମ୍ଭ
ଦୀର୍ଘ ୧୧ ଦିନ ଧରି ଲାଗିରହିଥିବା ଏହି ଧନୁଯାତ୍ରା ଚଳିତ ଥର ୭୧ ବର୍ଷକୁ ପଦାର୍ପଣ କରିଛି । ତେବେ ଧନୁଯାତ୍ରା କମିଟି ପକ୍ଷରୁ ଏହି ଧନୁଯାତ୍ରାକୁ ଆହୁରି ଅଧିକ ଉନ୍ନତ ଓ ଆକର୍ଷଣ କରିବା ପାଇଁ ଗତ ବର୍ଷ ଯେଉଁ କଳାକାର ମାନେ ଅଭିନୟ କରିଥିଲେ ସେହି କଳାକାର ମାନଙ୍କୁ ଚଳିତ ବର୍ଷ ମଧ୍ୟ ଅଭିନୟ କରିବା ପାଇଁ ସୁଯୋଗ ଦେବା ସହିତ କଳାକାରଙ୍କୁ ଭଲ ପ୍ରଶିକ୍ଷଣପାଇଁ ଅଧିକ ଗୁରୁତ୍ଵ ଦିଆଯାଉଛି ।