ବରଗଡ: ଜିଲ୍ଲାରେ ବହୁ ଆଶାୟୀ ଶିକ୍ଷକ ବେକାର ହୋଇ ବୁଲୁଥିବା ବେଳେ ଦିନକୁ ଦିନ ସେମାନଙ୍କ ବୟସ ମଧ୍ୟ ଗଡି ଚାଲିଛି । ଅନ୍ୟପଟେ ଶିକ୍ଷା ବିଭାଗରେ ବହୁ ପଦବୀ ଖାଲି ପଡିଥିଲେ ସୁଦ୍ଧା ନିଯୁକ୍ତି ଦିଆ ଯାଉନଥିବା ଅଭିଯୋଗ ହୋଇଛି | ତେବେ ଏନେଇ କନିଷ୍ଠ ଶିକ୍ଷକ ଆଶାୟୀ ସଂଘ ପକ୍ଷରୁ ବାରମ୍ବାର ହୋଇଆସୁଛି ଆନ୍ଦୋଳନ ।
ଆଶାୟୀ ଶିକ୍ଷକଙ୍କ ଅଭିଯୋଗ, ଦିଆଯାଉ ନାହି ଖାଲିଥିବା ପଦବୀର ରିପୋର୍ଟ
ଏହା ପରେ ଗତ ୨୧ ନଭେମ୍ବର ୨୦୧୯ ରୁ ରାଜ୍ୟ ପ୍ରାଥମିକ ଶିକ୍ଷା ନିର୍ଦେଶକ ପକ୍ଷରୁ ସମସ୍ତ ଜିଲ୍ଲାର DEO ଏବଂ BEO ମାନଙ୍କ ନିକଟକୁ ଖାଲି ଥିବା ଶିକ୍ଷକ ପଦବୀର ରିପୋର୍ଟ ମଗାଯାଇଥିଲା । ମାତ୍ର ବରଗଡ ଜିଲ୍ଲାରେ ଶିକ୍ଷା ବିଭାଗରେ ଖାଲି ପଡିଥିବା ପଦବୀ ସଂଖ୍ୟାର ରିପୋର୍ଟ ଆଜି ପର୍ଯ୍ୟନ୍ତ ସରକାରଙ୍କୁ ଦିଆଯାଇନଥିବା ହୋଇଛି ଅଭିଯୋଗ ।