ବରଗଡ:ଅନ୍ତର୍ଜାତୀୟ କେରାଟେ ଚମ୍ପିୟାନସିପରେ ଦେଶ ପାଇଁ ସ୍ଵର୍ଣ୍ଣ ପଦକ ଆଣିଛନ୍ତି ବରଗଡ ଜିଲ୍ଲା ବିଜେପୁର ଗାଁର ଗଜେନ୍ଦ୍ର ମେହେର । ସୁନା ପୁଅ ପ୍ରମୋଦ ଭଗତଙ୍କ ପରେ ଏବେ ଆଉ ଏକ ସୁନା ପୁଅ ଦେଶ ଆଜି ଗର୍ବିତ । ଏକ ଗରିବ ବୁଣାକାର ପରିବାରରେ ଜନ୍ମ ନେଇଥିବା ଗଜେନ୍ଦ୍ର ମେହେର ଅର୍ଥ ଅଭାବରୁ ମାତ୍ର ସପ୍ତମ ଶ୍ରେଣୀ ପର୍ଯ୍ୟନ୍ତ ପାଠ ପଢିଥିବା ବେଳେ ପେଟେ ପାଟଣା ପାଇଁ ପରିବାର ଲୋକଙ୍କୁ ଲୁଗା ବୁଣିବାରେ ସାହାଯ୍ୟ କରନ୍ତି । ଲୁଗା ବୁଣି ବିକ୍ରି ନକଲେ ଘରେ ଚୁଲି ଜଳେନି । ଏପରି ପରିସ୍ଥିତିରେ ମଧ୍ୟ ଗଜେନ୍ଦ୍ର ସମୟ ବାହାର କରି କରାଟେ ଶିଖିଥିଲେ । ଏବଂ ତାଙ୍କ ଦୃଢ ଇଚ୍ଛା ଶକ୍ତି ଆଜି ତାଙ୍କୁ ଉଚ୍ଚ ଶିଖରକୁ ପହଞ୍ଚାଇଛି । ତାଙ୍କ କଠିନ ପରିଶ୍ରମ ଫଳରେ ଆଜି ସେ ରାଜ୍ୟ ତଥା ଦେଶ ପାଇଁ ଗୌରବ ଆଣିପାରିଛନ୍ତି ।
ଜନ୍ମମାଟିକୁ ଫେରିଲେ ସୁନା ପୁଅ ଗଜେନ୍ଦ୍ର : ସମ୍ବର୍ଦ୍ଧନା ଦେଇ ସ୍ବାଗତ କଲେ ଗ୍ରାମବାସୀ