ବରଗଡ଼: ଜିଲ୍ଲାର ଚାଷୀଙ୍କ ପିଛା ଛାଡୁନାହିଁ ସମସ୍ୟା । ଚାଷକାମ ଆରମ୍ଭରୁ ସମସ୍ୟା ଘେରରେ ରହିଥିବା ଚାଷୀ ମୁକୁଳି ପାରୁନାହିଁ ମଣିଷକୃତ ସମସ୍ୟା ଭିତରୁ। ଫସଲବୀମା ପାଇଁ ପ୍ରିମିୟମ ପଇଠ କରିଥିଲେ ଶୁଦ୍ଧା ଚାଷୀକୁ ମିଳୁନାହିଁ ଫସଲର କ୍ଷତିପୂରଣ ।
ଭିଡିଓ ସୌଜନ୍ୟ: ସମ୍ବାଦଦାତା ବରଗଡ
ତେବେ ବରଗଡ଼ ଜିଲ୍ଲାର ଚାଷୀଙ୍କୁ ଫସଲ ବୀମା ନାଁରେ ଠକି ଚାଲିଛନ୍ତି ସମସ୍ତେ । ବିମା କମ୍ପାନୀ ମାନେ ଫସଲବୀମା ପ୍ରିମିୟମ ସଂଗ୍ରହ କରିଦେଲାପରେ ଆଉ ଧରାଛୁଆଁ ଦେଉନାହାନ୍ତି । ଫସଲ କ୍ଷତି ହେଲେ କ୍ଷତିପୂରଣ ପାଇବାକୁ ବର୍ଷ ବର୍ଷ ବିତିଯାଉଛି ତଥାପି ମଧ୍ୟ ଚାଷୀ ପାଇପାରୁନାହିଁ କ୍ଷତିପୂରଣ। ଭଟଲି ବ୍ଲକ ଅନ୍ତର୍ଗତ ଖରମୁଣ୍ଡା ପଞ୍ଚାୟତ ର ତରାକନା ଗ୍ରାମର ବହୁ ଚାଷୀ ଗତ ଖରିଫ ଚାଷର କ୍ଷତିପୂରଣ ପାଇନଥିବା ଅଭିଯୋଗ ନେଇ ଆଜି ଜିଲ୍ଲାପାଳଙ୍କ ନିକଟକୁ ଆସିଥିଲେ ।